You are here

Results for Talanga 'i he lea faka-Tonga

Friday 14 December 2007
USA
Ne u nofo hifo 'o lau peau toutou lau e tohi 'a e motu'a ko'eni ko Mr Harder peau tangi peau toe 'ita peau kaila he na'e hange' ha "masalu ngaue" na'e fepuhi'aki 'a e matangi mei he ngaahi tafatafa'aki he na'e lolotonga pe 'eku mafana kuou mokosia pea lolotonga pe 'eku mokosia kuou vela. Na'e 'i ai e taimi. - Sosaia Moimoiangaha
Thursday 13 December 2007
Nu'usila
Fakatulou atu he talamalu 'o e Fonua ka e 'oatu ha fakamalo mo ha fiefia he tohi malie fau 'a e loea ko Christopher Harder. 'A e tangata'i fonua mo e fefine'i fonua, tuku mu'a 'etau totonu fakafo'ituitui, ka tau vivili atu ki he totonu Faka-Langi, 'a e fakamolemole mo e fe'ofa'aki. Kuo vamama'o 'etau feohi faka-famili, faka-siasi, faka-kolo, 'i he ta'au 'o taimi. Kuo 'enisinia'i 'a e 16/11 ke to e vamama'o aipe 'eta fe'ofa'aki ka e vaofi e 'asenita ngaue 'a e politiki. - Longolongo‘aevalu
Monday 26 November 2007
'Okalani, Nu'usila
'Oku lahi e ngaahi me'a ia 'oku mahino mai he me'a 'a e 'Eiki Minisita. 'Uluaki ta 'oku 'ikai ko e palopalema 'a e tu'utu'uni huluhulu ngaue pe guidelines. 'Oku ou tui 'oku 'osi 'i ai e me'a pehe 'a e potungaue pea mo e ngaahi me'a faka'efika. Pea ne toe me'a mai 'o pehe ne fakaha ange 'e he pule 'o e TBC 'oku 'I ai e 'asenita fakapolitikale 'ene kau ngaue pea koena ko e taha ena 'ene kau 'ofisa ma'olunga Nanise Fifita 'oku ne toe filingaua he fokotu'utu'u fa'u guidelines 'a e pule'anga. - Pola Loiti
Monday 26 November 2007
USA
'Oku 'ikai ke fai ha ofo ia 'o hange ko e fakamatala 'a e tangata faifatongia koia ma'a Tonga ko Chief Justice Anthory Ford. - Joshua Moimoiangaha
Sunday 4 November 2007
Sene, 'Aositelelia
Ko hono fakahoko kuo pau ke matu'aki mahino koeha 'a e fa'ahinga founga pule fakatemokalati 'oku 'omai ke fakamali'i pe 'omai ke ne fetongi ha konga 'i he founga pule lolotonga. Kuo tau ikuna 'e kitautolu kotoa 'a e 'uluaki mafatukituki 'a ia ko e mahino pea mo hono tali 'e he ngaahi fa'ahi kotoa mo e tokolahi 'o e tangata'i fonua 'a e fiema'u ke fakapipiki (liliu) mai 'a e founga fakatemokalati ki he'etau founga fakalele pule'anga 'o 'ikai leva ke tau toe fiema'u ha fakahaloto pau (referendum) fakaluukufua, he'e mole ai 'a e pa'anga lahi. - Samisoni Hingano ‘Anamanu
Friday 2 November 2007
USA
'Oku ha he fakamatala 'o e tapuni e Fale ne toe fai e ki'i maumautaimi ia 'i tu'afale hili koia' kuo tapuni e fale'. Ko e fo'i founga tatau pe 'eni moia nenau fakahoko pea hoko e maumau he 1611. "five People's Representatives protested outside the ceremony over the early closure of the Legislature's 2007" Ko fo'i fakapulou lahi mo'oni kuo fai 'e he kau fakafofonga' he ne nau 'osi 'ilo pe e fai e fili he 2008 pea nau toki hu ki tu'a mei he Fale'. Ko e fo'i tu'uaki ko'eni' tokua ke pehe 'e he kakai ko kinautolu na'a nau feinga'i ke fai e fili he ta'u fo'ou', malie ko e toitoi e 'ulu kae teketua mai e fo'i tu'a'. 'Oku toe malie ange 'a e 'osi e to'u falealea ko 'eni' 'oku te'eki ke 'i ai ha tali pe koe ha 'oku fakangofua ai ke toho kakato e vahenga te'eki ke fai ha ngaue'. - Joshua Moimoiangaha
Wednesday 10 October 2007
Nuku'alofa, Tonga
Kuo lava atu 'eni 'a 'etau talitali fiefia 'a e si'i fanau 'Ikale Tahi 'i he 'enau lava mai mei he World Cup. Ka na'e 'i ai ha ki'i me'a ne mau fu'u mamahi lahi ai 'i he efiafi ne tu'uta ai 'a e 'Ikale 'i he 'etau ki'i motu'a anga ta'efaka'apa'apa mo e lea vale ko'eni ko 'Akilisi Pohiva. 'Akilisi me'a malie ko 'emau ma'u 'a e maama he kapau na'e 'ikai mahalo temau ta'emahino tatau mo koe. - Jay Tu‘i‘ile‘ila
Monday 1 October 2007
Ko e fanongonongo atu pe heni ki he kainga kotoa pe 'i Aotearoa 'oku fie fe'iloaki mo e fanau va'inga 'a e 'Ikale Tahi ke mo u kataki 'o fakatokanga'i ange 'e tu'uta mai e fanau ki 'Okalani ni he taimi 8:30am pea 'e 'omai ai pe kinautolu ki he Hall he tafa'aki mala'e tenisi koia 'i he Massey Road he tuliki maama koia 'alu ki Mala'e Vakapuna. 'E fakahoko ai ha ma'u me'atokoni ma'ama'a pe mo ha ki'i lukuluku seniti ke foaki ma'ae fanau ke faka'ilonga'i 'aki 'etau hounga'ia he ngaue ma'ongo'onga kuo nau fakahoko. - Lafitani Pouanga and Dr. Fotukaehiko Fisi‘iahi
Friday 28 September 2007
Nuku'alofa, Tonga
Sipi Tau 'a e 'Ikale Tahi
Node is premium Premium content
Tuesday 25 September 2007
Kenipela, 'Aositelelia
'Oku ou loto fiefia ke fai atu ha ki'i talamonu ma'ae timi 'a e 'Ikale Tahi, ki he teu tau mo 'Ingilani 'i he Falaite. Fakatauange ke mou ma'u ha va'inga fiefia mo ikuna foki. Ko e ikuna, ko e fakatokilalo mo e fe'ofo'ofani 'o tali angi. - Falamani Mafi
Monday 24 September 2007
Ki he komiti faifili, malo e fua fatongia fakapalataha mai mei hena. 'Etita kataki fokotu'u atu mu'a 'eni 'i ho'o site ka kiate au mo 'eku tui 'oku 'ikai keke fu'u muimui 'i he va'inga 'akapulu keke 'ilo'i 'a e loto 'o e kakai mo e fanau va'inga. - Jay Lanipaka
Wednesday 12 September 2007
USA
'Oku tui pe e motu'a ni ne lahi pe ngaahi me'a malie he teuteu 'a e 'Ikale Tahi ki he World Cup ka e impress pe kinautolu he ma'u me'atokoni 'a e timi. - Siosaia Mila
Sunday 9 September 2007
Sydney, Australia
Faka'ofo'ofa aupito e ma'u ongoongo mai mei he tu'unga fakafiekaia 'a e timi pea kapau na'e 'ikai ke ngaue malohi 'a e kau ngaue 'a e Matangi Tonga he 'ikai pe 'e fai ha ongona mei he tukunga 'oku 'i ai 'a e 'Ikale Tahi, ka 'oku 'i ai ha si'i fa'ahinga kae tautau tefito ki he kakai 'o e fonua kae pehe ki he si'i ngaahi matu'a 'oku nau tukutelinga ki he tukunga 'oku 'i ai 'a 'etau fanau va'inga. - Jay Lanipaka
Monday 3 September 2007
Sydney, Australia
'Oku 'oatu e kole ke ke anga lelei pe mu'a kae tu'u atu e ki'i tohi ni tu'unga he tohi na'e fai 'e Tangi mei Washington 'o 'ulu'i tohi 'aki "Faka'ulia hono tute 'o e 'Ofa. - ‘Ofameilangi Melino
Saturday 1 September 2007
Washington,USA
'Oku ou fakatokanga'i 'oku mei molumalu ange 'emau tauhi hotau 'ulungaanga fakafonua 'i muli ni 'i Tonga. Ne u 'atu 'eku ki'i fanau ke nau sio ki he 'ulungaanga faka Tonga 'a ia 'oku ou feinga ke nau fai mo muimui ki ai. Ka na'aku fakatokanga'i ai 'a e mamafa 'a e koloa 'i Tonga. Pea u fifili he taimi lahi pe koeha nai kuo fu'u mamafa pehe ai 'a e koloa, ka 'oku 'ikai lahi ha ngaue 'i Tonga ke 'inasi ai e famili kotoa ke fakatau 'aki 'enau ngaahi fiema'u. - Tangi mei Washington ‘i ‘Amelika
Monday 27 August 2007
Pago Pago, American Samoa
'Oku ou kole Atu ai pe ki he kainga Tong kotoa ke mou silongo pe mo siosio lelei he'e ha taha taha mai pe lanu totonu 'o ho'omou kau fakafofonga ki he Falealea. 'E tala pe tangata 'e hono anga. Pea 'e lea totonu mo le'olahi ange honau 'ulungaanga mo 'enau ngaue 'i he ngutu mo e talanga 'oku tau hoha'a 'ia ai he Falealea. - Sione Lousiale Kava
Friday 24 August 2007
USA
re: "Big salary increase becomes an embarrassment for elected members." Na'a mo e 'atamai vaivai' (alonga') 'e maa he fo'i tupe ko'eni ne hoko' (hiki vahenga 'a e kau fakafofonga') lolotonga e fe'amokakai 'a e fonua, kuo fai 'enau fakapoto ke hiki 60% honau vahenga'. Ko e me'a ia ko 'eni' 'oku 'i ai 'a e totonu 'a e kakai ki hono alea'i he 'oku hange 'a e fo'i founga ko'eni' hano fakapuulou'i ha puaka kae fakapoongi' (hufanga he fakatapu') pea kapau 'e 'ikai fakatokanga'i pea tamate'i ai pe, hmmmmmm!! - Joshua Nehasi
Monday 20 August 2007
'Okalani, Nu'usila
Kuo maau e Timi 'a e Tu'i Tonga ke fakafofonga'i 'a Tonga 'i he Sipoti 'a e Pasifiki Tonga 'a ia 'e kamata he 'aho 25 'o 'Akosi pea toki 'osi ki he 'aho 8 'o Sepitema. Ko e fe'auhi 'a e Siu'a'alo e toki kamata ia he 'aho 3 'o Sepitema 'o toki 'osi 'i he 'aho 6 'o Sepitema. - Timi Tu'i Tonga
Node is premium Premium content
Saturday 11 August 2007
UK
'E 'ikai ke tau toe lau ha kovi 'i he kuo hili he koeni kuo fili e timi pea mo e kau officials. Ko 'etau tokoni ki he toenga atu koeni ki he World cup. 'Oku ou kole ke 'oua 'e taku ko e fiepoto pe ko e siolalo ka ko e 'ofa pe mo e poupou. 'Oku ou fakamalo lahi 'aupito kia Tevita Vaikona 'i he fakamatala mahino, akonaki mo e fale'i lelei 'o fekauaki pea mo e 'akapulu pea 'oku 'ikai ke u 'ohovale ai he ko e taha ia 'i he leleitaha 'i he fonua ni 'i he mo'ui fakalukufua. - Tevita Twickenham
Tuesday 17 July 2007
USA
'Oku malie fau e vahevahe fakakaukau kuo tuku mai he ngaahi loki talanoa' 'o felave'i mo e Miss Galaxy. Kuo tuku mai ki tu'a e ngaahi 'uhinga 'o hono fakangofua ke ngaue'aki' tokua he 'oku ma'u e pa'anga 'a e fonua 'i he fefolau'aki 'a e kau folau 'eve'eva mei muli'. - Joshua Moimoiangaha

Pages