Results for Talanga 'i he lea faka-Tonga

Ne u lele atu ki hotau fonua ki Tonga ne u sio atu 'ou manavahe he'eku fakatokanga'i ta ko e palopalema 'o Tonga ko kitautolu pe ia. 'Oku ou faka'amu ke u 'o atu ha tefito'i fakakaukau 'e fa ka te u feinga pe ke u 'a'ahi ki he palopalema pe 'e taha he taimini. -Mafi 'o Amerika Samoa

'Oku taku foki 'i mamani ko 'Atenisi 'a e 'uluaki senita 'o e kau 'atamai masila. Pe ko e fuofua sosaieti pe kakai na'a nau tali ke ngofua e taungutu ki he kau ma'u mafai, pe ko e kau Pani (hange ko e Tu'i, Nopele, Hou'eiki) mo e ha fua. Mahalo 'e mahino ange kapau te u fakalea 'o pehe ko e foufua sosaieti 'eni na'a nau tali 'oku 'ikai ke 'iai ha taki ia 'oku tapuha e taungutu ki ai. He na'a nau tui 'oku mafai lahi ange 'a e taungutu ia 'oku tonu mo mo'oni, 'i ha toe mafai pule, pea 'oku 'iloa ia he ngaahi 'aho ni ko e Fakaanga. - Manu tali ui mei Fanga

Ne u fiu he feinga ke mahino'i e tohi 'a e tangata loea koena ko Harder. 'Asili ai 'ene tohi fakapapalangi pea mo e ngaahi me'a 'oku ne fokotu'u mai 'i he'ene tohi. Ko e me'a pe 'oku ha'u kia au, kuo kamata ke liliu mo'oni e loea ni. 'O 'uhinga ko e ngaahi me'a 'oku ou to'o mei he'ene tohi 'oku hange eni ha'ane vetehia ki he ngaahi me'a kuo ne 'ilo ki ai. - Pola Loiti

Fakatulou atu he talamalu 'o e Fonua ka e 'oatu ha fakamalo mo ha fiefia he tohi malie fau 'a e loea ko Christopher Harder. 'A e tangata'i fonua mo e fefine'i fonua, tuku mu'a 'etau totonu fakafo'ituitui, ka tau vivili atu ki he totonu Faka-Langi, 'a e fakamolemole mo e fe'ofa'aki. Kuo vamama'o 'etau feohi faka-famili, faka-siasi, faka-kolo, 'i he ta'au 'o taimi. Kuo 'enisinia'i 'a e 16/11 ke to e vamama'o aipe 'eta fe'ofa'aki ka e vaofi e 'asenita ngaue 'a e politiki. - Longolongo‘aevalu

'Oku 'ikai ke fai ha ofo ia 'o hange ko e fakamatala 'a e tangata faifatongia koia ma'a Tonga ko Chief Justice Anthory Ford. - Joshua Moimoiangaha

'Oku ha he fakamatala 'o e tapuni e Fale ne toe fai e ki'i maumautaimi ia 'i tu'afale hili koia' kuo tapuni e fale'. Ko e fo'i founga tatau pe 'eni moia nenau fakahoko pea hoko e maumau he 1611. "five People's Representatives protested outside the ceremony over the early closure of the Legislature's 2007" Ko fo'i fakapulou lahi mo'oni kuo fai 'e he kau fakafofonga' he ne nau 'osi 'ilo pe e fai e fili he 2008 pea nau toki hu ki tu'a mei he Fale'. Ko e fo'i tu'uaki ko'eni' tokua ke pehe 'e he kakai ko kinautolu na'a nau feinga'i ke fai e fili he ta'u fo'ou', malie ko e toitoi e 'ulu kae teketua mai e fo'i tu'a'. 'Oku toe malie ange 'a e 'osi e to'u falealea ko 'eni' 'oku te'eki ke 'i ai ha tali pe koe ha 'oku fakangofua ai ke toho kakato e vahenga te'eki ke fai ha ngaue'. - Joshua Moimoiangaha

Ko e fanongonongo atu pe heni ki he kainga kotoa pe 'i Aotearoa 'oku fie fe'iloaki mo e fanau va'inga 'a e 'Ikale Tahi ke mo u kataki 'o fakatokanga'i ange 'e tu'uta mai e fanau ki 'Okalani ni he taimi 8:30am pea 'e 'omai ai pe kinautolu ki he Hall he tafa'aki mala'e tenisi koia 'i he Massey Road he tuliki maama koia 'alu ki Mala'e Vakapuna. 'E fakahoko ai ha ma'u me'atokoni ma'ama'a pe mo ha ki'i lukuluku seniti ke foaki ma'ae fanau ke faka'ilonga'i 'aki 'etau hounga'ia he ngaue ma'ongo'onga kuo nau fakahoko. - Lafitani Pouanga and Dr. Fotukaehiko Fisi‘iahi

'Oku ou loto fiefia ke fai atu ha ki'i talamonu ma'ae timi 'a e 'Ikale Tahi, ki he teu tau mo 'Ingilani 'i he Falaite. Fakatauange ke mou ma'u ha va'inga fiefia mo ikuna foki. Ko e ikuna, ko e fakatokilalo mo e fe'ofo'ofani 'o tali angi. - Falamani Mafi

'Oku tui pe e motu'a ni ne lahi pe ngaahi me'a malie he teuteu 'a e 'Ikale Tahi ki he World Cup ka e impress pe kinautolu he ma'u me'atokoni 'a e timi. - Siosaia Mila