Results for Talanga 'i he lea faka-Tonga

Kole mu‘a ke kau atu e ki‘i hoha'a ni he talanga 'oku fai. 'Oku kei fai e longoa'a he lipooti ne fa'u 'e he papalangi 'oku pehe na'a ne ngaue tau'ataina ki he'ene lipooti ki hono ta mo fakamamahi'i e ni'ihi ne tauhi popula. - Pola Loiti

Fakamalo atu he fakama'opo'opo ne fai 'e he kau ngaue ki he ngaahi me'a ne hoko 'o tau toki a'u ai ki he 16/11. Kataki pe kau ki'i lave atu ki ha ki'i me'a 'e tolu ne u kei talafili ai talu mei he ngaahi uike koia ki mu'a pea a'u mai ai pe ki he 16/11, 'a ia 'oku maau hono 'omai he kolomu koeni ho'o website. Ko e ngaahi taimi eni na'e lava ke 'omi 'e he tv tonga 'a e ngaahi 'ata mei he feme'a'aki 'a e Falealea. - Taasi Holiday

Kataki pe Mosese ko e pule'anga fe ia ne poto e kau temo he fakalele ? 'Oku te'eki te nau fakalele 'enautolu ha pule'anga ko 'enau kei misi pe ke nau fakalele mai ha pule'anga ke nau pule ai ka 'oku te'eki te nau pule'anga. Kataki ka ke feinga mai pe mu'a ke mahino ho'o ngaahi poini he ko e talanga eni he mala'e 'oku fakamamani lahi pea 'oku taau ke tau femahino'aki ma'u pe. - Taasi Holiday

Pea fakatapu atu ki he ngaahi tu'unga kotoa 'oku totonu mo fa'a fakatapua 'i he ha'ofanga kae 'ata mo'oku e faingamalieni ke fai atu ha fietokoni fiematamu'a mei he fu'u maka ko Tutu'ila 'o e tu'i Manu'a. - Lousiale Kava

Ko e taimi 'e ni'ihi, na'a mau hanga 'o ta'aki e paipa fakahoko vai ki he ngoue mo e 'a puka ka mau va'inga mo kaukau he vai 'oku ha'u mei he sima kuo 'osi fonu hake. 'Oku faka'amua 'e Tonga ko e me'a na'e hoko 'i Nuku'alofa koha sima vai pe sisii hange ko ho'o lau ke kaukau mo va'inga fiefia ai pe fanau 'a e kakai 'o e kolo tapu mo hou'eiki. - Sione Lousiale Kava

‘Oku fakaha mai pe ‘e he tangata ‘a e lahi ‘o e ki’i ‘atakai ‘oku kiokio holo ai, pea ‘oku ‘ikai ha ofo ai he ko ho’o vakai ‘oku ‘ikai to e lava ke mafao atu ‘o maile ‘e taha. Ko e lave kuo ke fai Mosese ‘oku ke fakae’a mai ai ‘a e masiva faufaua ho’o mo’ui lo-tolu. ‘Oku ho’ata mai mei ai ‘a e ngaahi fakatataa ‘oku ke hange ai ha vaka ta’e ‘alo mu’a. ‘Oku mau lotu atu ma’au pea mo e kau fakafofonga ‘o e kakai ke foaki mai ‘e he ‘Otua ha maama ki homou loto mo ho’omou ‘atamai mo e mo’ui koe’uhi ka e lava ke mafao atu ho’o mou vakai ki he mo’ui homou kaunga’api pea ta’ofi faka’aufuli ‘a e to’onga fulikivanu kuo mou fai. - Talanoa Tuifua

Kou kole atu ki he Tonga kotoa 'oku ke fai ha tohi ke 'oua mu'a temou ngaue 'aki 'a e lea pea mou pehe oku mou lotua 'a Tonga mo e kakai. Pea 'i he taimi tatau pe 'oku mou talatuki pe lea fehi'a tautau tefito ki ho'o mou lea 'aki 'a e lea ke tautau 'a e kakai na'a nau fai e ngaahi hia. He ko e 'uhi 'oku kata'i atu 'e he kau muli 'a e ngaahi tohi pehe 'oku mou fai. Tala koe fonua lotu 'a Tonga kae 'osi ange koia kuo mou lea pehe. - ‘Atulouaki Lasitani

'Oku ou sio loto atu au ki ha me'a ne mei hoko kia ko e Mosese kapau na'ake 'a'ahi ki ha me'a faka'eiki 'oha taha 'o e kau pekia he vela pea ko ho'o kupu'i malanga 'oku pe he, "...sai pe he ko e ngaahi fu'u va'a papa ne mole, he 'e toe lava pe 'o fa'u.". 'Oku pe he koeha ha tali atu 'a e kau pisinisi kuo 'auha 'enau koloa pea mo e kakai kuo mole 'e nau ngaue mo e ma'u'anga mo'ui honau famili kapau 'e li atu ho'o fo'i fakasi'isi'i me'a kia kinautolu? - Sione Lousiale Kava

"'Oua te tau fakatatau 'a Tonga ki Solomone mo Papua mo fe fua. 'A Tonga lotu! 'A Tonga poto!. 'Oua temou undermind 'a e 'atamai 'o e kakai ('uhinga ki he kakai nofo Pangai Si'i)". Ko eni e konga e ngaahi malanga le'o lahi 'a e taki e feinga liliu, fakafofonga fika 'uluaki e kakai Tongatapu, he tv he ngaahi taimi lahi. - Janine Popoahi