You are here

Results for Talanga 'i he lea faka-Tonga

Monday 2 October 2006
Alaska, USA
'Oku 'oatu ha fakamalo loto hounga mo'oni mei he famili mo e kainga Tonga 'oku mau fokoutua he tumutumu 'o e kolope, State of Alaska, USA ko e ngaahi 'Imisi faka'ofo'ofa mo Faka'ei'eiki kuo ke tuku mai he ngalue'a 'o mau 'inaisi ai lolotonga 'o e taalolo 'a e Tonga kotoa he fakamasiva kuo hoko he 'Otu Motu Anga'ofa (Tonga). - Siosaia Moimoiangaha
Tuesday 19 September 2006
Canberra, Australia
‘Oiau e! 'Oiaue! 'Oiaue! homau fakapo! ‘Oku mau hu louifi mo tangi lolotu ko ha fakalelu ki he ngaahi lo'i fofonga na! - Fa‘u ‘e S.Lafitani Tofua‘ipangai. Lo‘au Research Society,
Node is premium Premium content
Saturday 16 September 2006
Neiafu, Vava'u
‘Oku ou ongo‘’i lifusia ke u lea atu ‘aki he kohai kita me‘’avale kete kau ‘i he popoaki ki he Hau ‘o e ‘Otu Felenite, kuo hulutu‘a ‘‘a e langa hoto fatu’i he’ofa ki he Tama ko Taufa’ahau ka ko e Tu’i ’o e’Otu Tonga mo e ngaahi maa’imoa ola kuo ne fai ’o ’inasi kotoa ai ’a hono kakai. - Telesia Kolo
Saturday 16 September 2006
Nadi, Fiji
'Oku ou kole fakamolemole atu kae tuku pe mu'a ke u hufanga atu he ngaahi fakatapu kuo 'osi fakatapua he paenga ni kae tuku mai ha ki'i faingamalie ke u kau atu he talanoa kuo fakaava mai 'e he tangata 'o Siosiua L Tofua'ipangai. 'Oku ou fakamalo lahi heni kia Siosiua ko hono 'ohake 'a e fo'i mo'oni ko 'eni ki he fala 'o e talanoa' he 'oku fu'u mahu'inga 'aupito lolotonga 'a 'etau fepunou'i 'i he fakamasiva kuo kafo ai e loto 'o e Tonga kotoa pe. 'Oku 'ikai ke u ofo pe teu 'ohovale 'i he lea kuo ngaue'aki 'e he tangata muli ko'eni 'o Nu'usila. - S. Moimoiangaha
Tuesday 12 September 2006
Suva, Fiji
'Oku mau ongo'i mamalu mo fakatulou atu kae fakaa'u atu si'i tengihia mei he vahanoa mei he Taulanga Suva 'a e si'i tu'unga matu'a mo e finematu'a mei he polokalama MBA 'i USP.
Node is premium Premium content
Tuesday 12 September 2006
Auckland, New Zealand
Ha’ele a si’omau Tu’i ‘Ofeina. Si’i Heilala Fu’itahi ‘o Loto Mu’a, ka ko e Maile kuo Fihi tu’ua. Silongo e ‘Api ko Fakala’a pea kuo nonoa e Tapuni Siliva pea mo e fanga ko Muinahafu. Si’i mapelu e ‘akau ‘o e ‘api ko Loto Langi pea kuo taunga'a e 'api ko 'Ahau. - Sailosi Finau
Tuesday 12 September 2006
Canberra, Australia
Ki he Tama Tu'i ko Taufa'ahau Siaosi Tupou V, Ta'ahine ko Kuini Halaevalu Mata'aho, Pilinisesi Salote Mafile'o Pilolevu Tuita mo Paloni Tuita, Pilinisi `Ulukala-Lavaka-Ata mo Pilinisesi Nanasipau'u pea mo e kotoa `o Ha'a Ma'afu, Ha'a Latuhifo, Lauaki `o Ha'a Maliepo mo Motu'apuaka `o Ha'a Molofaha, Ha'a Ngata mo Ha'a Havea, pea kia Nopele Kalaniuvalu mo Kauhala'uta, Tu'i Pelehake mo Ha'a Talafale, Ha'a Fale Fisi mo e Ongo Ha'a Ngana, Ha'a Vaea, Ha'a Fokololo-e-Hau, Ha'a Latukefu mo e ngaahi Ha'a kotoa he malumalu `o `Ahau, Fonuamotu mo Olotele. - Siosiua Tofua‘ipangai
Tuesday 12 September 2006
Australia
'Oku ou fakafofonga atu e fanau ako Tonga kotoa pe 'i he 'Univesiti 'o Wollongong 'i 'Aositelelia ha popoaki fie kaunga mamahi he pulonga kuo hoko hotau fonua, 'a e Hala 'a e Tama Tu'i ko Taufa'ahau Tupou IV. Folau aa Tama Taufa'ahau Tupou IV he kuo kai melie mo 'utu taufetuku e manu vaivaii 'i he fangota fakalulutai 'a e 'Afionaa. - Tofavaha
Monday 11 September 2006
New Zealand
'Oiaue!! 'Oiaue!! Kuo too 'a e La'aa 'Ofeina 'o e 'Otu Tonga. 'Oiaue 'a e Tama Langi 'ofa 'i hono kakai e !! Ha'ele a Tama he 'e kei Lakoifie lelei pe ho'o ngaahi maa'imoa 'i homau ngaahi lotofale tu'a ni. - Soosoo Tulivai
Monday 11 September 2006
New Zealand
Fakafeta'i Sihova ho'o fakakola'aki 'emau mo'ui ha Tu'i 'ofa. Fakafeta'i ho'o mokoi ke fakatu'uta lelei atu homau Hau ke kau fakataha 'i he fakafea'o ki he 'Afiona, 'a e Hau Ta'eliua. Ke 'i he Ta'ahine Kuini, Pilinisi Pule, Pilinisesi Pilolevu mo Ha'a Ma'afu, 'a e fiemalie 'i he Kelesi 'o e Laumalie Ma'oni'oni, lolotonga 'a e po'uli kuo ne kapasia e 'otu Tonga. - Longolongo‘aevalu
Sunday 10 September 2006
USA
Ko ‘eku fie fakamalo atu kia Moimoiangaha ho’o hanga ‘o fakamahino’i mai ‘i he lea faka-Tonga ‘a e ‘uhinga ‘o e tohi ‘a M.T. Tuaileva. Talu si’eku lele mai mei Tonga ‘o kumi si’oto masiva ‘i he fu’u konitinanite ko’eni, na’e ‘ikai mahino kiate au ‘a e ‘aho malolo koia ko e Labor Day. Na’aku pehe ‘e au ko e ‘aho fakamanatua ‘o e fa’ele (hufanga atu ‘ihe fakatapu). Pea ‘i he anga koia ‘eku ki’i vavalo mo fakaofiofi ‘i he tohi fakapapalangi ‘a e matapule ko’eni ko M.T. Tuaileva, ko e fu’u ta’u ee ‘e tolungofulu tupu ‘ene fakakaungatamaki ‘i he mala’e fai fa’ele, pea ‘alu ai ki Florida mo hono famili ke fai fa’ele ‘ia Miki Mausi. Kaikehe ne si’i toki fakamaama mai ‘e Moimoiangaha ‘a si’oto fakapo’uli, ta ‘oku ‘ikai ko e ‘uhinga ia ‘o e ‘aho malolo ni. - Sione V. Kelepi
Friday 8 September 2006
Auckland, New Zealand
‘I ’Epeleli ‘o e ta’u kuo ‘osi pea lolotonga e ngaahi laaulea ki he mamafa e ‘uhila, ne tohi mai ‘i ho’o paenga e tangata ko Peter P Goldstern mei he Shoreline ‘o fakalau mai ‘a 'ene ngaahi fakatotolo ki he ma’u’anga ivi fakafo’ou (renewable) ‘o kau ai e peau (wave), koe fuel cell pea faka’osi’aki e fo’i wind-hydro (vai'ea) ke tu’u ‘i ‘Eua kae fakapipa mai ki Tongatapu. Tokua ‘oku ngaue’aki ‘eni ‘i Okinawa pea ‘e lelei ki Tonga. - Sailosi Finau
Friday 8 September 2006
Lennox,California, USA
Tangata M.T, tuku e tangi mo e faka-mamahi kae taa'i e US$100,000.00 ia (Western Union) 'oku ke maumau taimi 'aki 'i he va'inga 'i Tisini Uelo' (Disney World) ke kumi 'aki ha inu mo ha fo'i suluka e matu'a 'oku kemi 'i Pangi Si'i'. 'E fiefia lahi e tu'unga matu'a ni kapau 'e lava pea 'oku ou tui lahi tenau matuku ai pe kinautolu ki honau takitaha 'api he 'e lato e fiema'u' pea toe lava pe 'o totongi mo 'enau 'uhila'. - Siosaia Moimoianga
Wednesday 6 September 2006
Canberra, Australia
Kia Kristenssen Halatokoua kou fakamalo atu he tanaki mai kaveinga fo’ou...” mo mahu’inga faufaua ketau hoko atu ki ai fekau’aki mo e ‘Tala ‘o Lo’au mo Ma’ananga', pea kou fiefia lahi ke fai ha lave atu he’ilo na’a ‘aonga pe to e fakatupulekina ai ‘etau ‘ilo. - Siosiua Tofua‘ipangai
Wednesday 6 September 2006
Australia
Fefe nai ke fulihi ...‘a e misini 'uhila 'i he fanga ki'i motu ke fakalele 'aki 'a e lolo niu (bio diesel). Kapau ko e misini lolo tisolo ‘a ia ko e fakafuofua atu ko e fo‘i niu motu‘u pe ‘e tolu ki he ‘iuniti (kWhr) pea mo e totongi ‘a hono fakalele. - Vilo Niumeitolu
Wednesday 6 September 2006
Lennox,California, USA
'Oku ou kei manatu ki he va'inga na'e fai 'i he'eku kei si'isi'i' pea na'e pehe ni hono uiuii' "Langa toi kumi toi 'ofa pe keu 'ilo'i 'a e tama 'oku toi 'i he lalo Mohokoi. 'I hono talanoa'i 'o e laulau' na'e 'uhinga tokua ke takitaha kumi ha toitoi'anga kae 'alu e tokotaha fekumi 'o kumi pea koia pe 'e 'ilo'i hono toitoi'anga pea mate leva ia kae hoko atu pe 'a e fekumi'. Ko e taimi ko e' 'oku kumi ngata'a ai ha taha 'oku ui leva e tama fekumi 'o pehe "Ki mai ha ki'i veka" pea ko e me'a fa'iteliha pe 'a e kau toitoi pe tenau Ki pe 'ikai, he ko e founga 'o e uiui tokua ke 'ilo'i e fu'u mohokoi 'oku fai mei ai e toi'. - Siosaia Moimoiangaha
Tuesday 5 September 2006
Tu'alikuTonga,Tongatapu
Fefe ke kole ange ki he kau fakafekiki Lo'au ko ena ke nau kataki 'o me'a atu 'o pulusi honau ngaahi hohoko mo 'enau ngaahi pikinga fakatoto kia Lo'au 'iha'anau ngaahi tohi hohoko fakafamili, he 'oku 'ikai fu'u mahu'inga ia he paenga ko eni ke 'ilo'i kinautolu fakafo'ituitui mo e anga 'enau pikinga kia Lo'au. - Anuanu Fakafe‘atukihesina
Tuesday 5 September 2006
Lennox-California, USA
'Oku 'oatu 'a e kole fakamolemole mei he Tano'a 'a Loa'u' ki he Tonga kotoa 'oku taka 'i he tapa 'o e kolope 'oku feohi he feangiaki 'a e Matangi Tonga'. Tuku mai mu'a e ki'i faingamalie ko 'eni' ke faka-kakato atu e Taalanga'i 'o Loa'u', pea kataki pe kau No'o Tapa'igatu mo hu Louifi atu. 'Oku ou kole ke u hufanga he 'Api ko Ma'ananga kae fakahoko atu hoku fononga'.-Siosaia Moimoiangaha
Node is premium Premium content
Tuesday 5 September 2006
Auckland, New Zealand
Ne toki tali he uike kuo’osi’e he Komisoni ki he Ngaahi me’a Faka-komeesi’a Fiji (Commerce Commission) ke hiki 30%’enau totongi’uhila. Ko e tali’eni hili hono fakapapau’i’e he Komisoni’oku totonu e kole ke hiki e totongi’uhila. Kaikehe kuo’asi mai e taki ia’o e fa’ahi fakaanga’i Fisi (Mick Beddoes) mo ha’ane tautapa ki he Poate’Uhila’a Fisi (FEA) ke nau hiki hake pe mu’a e totongi’uhila ‘aki ha vaeua’o e 30% pea ke konga 4 e hiki’o taki 3.75%. - Sailosi Finau
Tuesday 5 September 2006
Sydney, Australia
Lo'au Research, ko e ngaahi fie 'ilo 'eni ke tokoni mai ai ke tau talatala noa, 'oku mahu'inga ange ia he fefakatonutonu'aki ko'ena 'oku mou toe hihipa atu ki ai, ko ha Research Center, tautau tefito he 'Univeesiti, ko 'ene 'alu atu pe discussion 'o aafe, mei he founga 'oku ngaue'aki ki he research pea holo mui leva ke evaluate, pe 'oku 'i fe 'a e palopalema. - Kristenssen Halatokoua

Pages