Results for Talanga 'i he lea faka-Tonga

Kuo holoki `a e ngaue `a e Fale mei he `aho `e 4 ki he `aho pe `e 3, kae kake hake `a e lahi `o e houa `oku fai ai `a e feme`a`aki `a e kau memipa `i he haafe houa (miniti 30) ki he uike. Malo `a e `ofa fonua he ko e toki fu`u fai feilaulau kafakafa `oku mou fai (Tuku ho`omou fakatupu lea!) - ‘Ofa ki Tonga

Me ‘a faka ‘ulia ko e anga ‘etau ngaue ma ‘ae ki ‘i fonua masiva ‘o Tupou. ‘Oku lahi e fehanuaki he vahenga ‘ene ta ‘efakafiemalie, ka ‘oku tau fai e ngaahi to ‘onga ‘oku ‘ikai ha mai ‘oku tau teitei tokanga ki hono langa hotau fonua. Kuo tau lau mo fa ‘a fokotu ‘u ha ngaahi founga kehekehe ke malu ‘i ai si ‘otau fonua ‘o hange tokua ‘oku tau ‘ofa ‘i si ‘otau motu. - Monty Sitake

'Oku 'omai ki he'eku manatu 'a e hiva 'o e Fakamaau'anga, ko e fa'u 'a Sofele Kakala pea hiva'i 'e he Kolisi ko 'Apifo'ou. - Sione Lousiale Kava

'Oku ou faka'apa'apa atu Fifita Toa ki he anga ho'o tui. Pea 'oku ou fakamolemole atu Sailosi Finau si'ono to'o hala'i kuo ta email tatau. Ko au Longolongo'aevalu, neu toki kau atu pe ki he ngaahi felafoaki ki mui ni, kuo loa fau e tuku mai 'o e ngaahi tohi malie mo 'aonga fau ia 'a Sailosi Finau. Pea ko e koto tapuaki foki 'e tau kauhala kehekehe 'i ha fa'ahinga tui, he 'oku toki e'a ai e mafimafi 'o e Ta'ehamai, 'ene fakamaama ki ho tau loto fakapo'uli. - Longolongo‘aevalu

Hufanga atu he fakatapu kau tali atu kihe si'i mamahi 'o Sailosi. Ko hono 'uhinga 'oku ke lavea noa ai ko e 'ikai te ke piki kihe fakapalofesinale ho'o tohi 'oku ke lau kiai, kake ta'e faka'apa'apa'i ai 'e ko e mo lomekina 'eku totonu mo e tau'ataina 'eku tohi.

Kuo ta tu'o lahi 'eku ngaahi tohi kuo ke pulusi mai pea hange 'oku ke mea'i 'oku 'i ai 'eku style 'aku mo e kaveinga, quality mo e tu'unga fakapalofesinale 'oku ou feinga ke pukepuke. Me'apango ko ho'o pulusi mai 'a e konga ko 'ena kia au ke ne 'oatu ha 'imisi kehe 'o 'oku kia kinautolu 'oku manako ke lau 'eku ngaahi tohi mo 'eku ngaahi fakakaukau. - Sailosi Finau

Malo mu'a si'i fakamanatu mai 'ae ngaahi visone lahi kuo fakahoko pea neongo pe 'a e misi pea lahilahi 'a e misi moe visone ta'e hoko. Faka'osi atu 'aki 'a e ki'i talanoa tu'a ko'eni. 'Ihe konga kimui 'oe valungofulu kou foki atu ki 'api 'o talaange 'oku fiema'u taki $10 kihe tanaki pa'anga he ako. Ko e faingata'a lahi si'i feinga 'a e matu'a ka na'e tanaki pe 'a e $10. Ko e 'uhinga 'o e tanaki pa'anga ke fa'u 'aki 'a e vaka siu'a'alo 'o 'ene 'Afio he 'oku mokoi ke lova siu'a'alo 'a Ha'amoa mo Tonga.

'Amusia Koe na'a ke a'u ki he sivi Higher Leaving 'o kau atu ki ai mo e Lesoni Tonga. Ko 'eku ki'i kukukuku ki he tala 'o e fonua mo e tala fatongia faka-kainga, ko e fakahinohino pe ia 'a e Kaliloa mo e Kalifafana. Pea 'oua teke pehe 'oku ou hanganoa he tahi mamaha, he 'oku 'omi pe hoku tufakanga ko e lauvale 'o e Fonua. 'Oku 'ikai mole ai 'eku tau'ataina, he 'oku ou kei mo'ui pe mei Tokanga pea mafana pe hoku ki'i famili mei Falehanga. 'Oku mohu pe 'a 'Oseni mo hono ngaahi kiki, 'o mo'ui pe ai hoku ki'i famili. - Longolongo‘aevalu

Fifita, he 'ikai ke u tuhu au ki he 'umata he 'oku 'ikai haohaoa hoku ki'i matafanga. Pea he 'ikai ke u 'oholoto atu au he tahi moana he 'oku kehe hono ika. Te u va'iva'inga pe he tahi mamaha, he ko hoku fe'unga pe ia ko e lauvale 'o e fonua. Ko e ta'e'ofa mo e siokita, te ta toe mahanga pe 'i hono fehi'anekina. Ka kohai tu kitaua ke ta fai fakamaau he 'ao 'o e 'Otua? - Longolongo‘aevalu