Results for Talanga 'i he lea faka-Tonga

`Oku faka`au tama ke takataka nenefu `etau samená he ngaahi me`a `oku hokó pea mo e ngaahi lafo ave loloa `oku ma`alifekina mai mei he kau `atama`ia mei mulí. =`Ofa-ki-Tonga

`Oku `asi mai he uike ni `i he fakamatala `a e Tu'i Pelehake mo Dr Sitiveni Halapua he kupenga vahaope `a e Matangi Tonga `oku kei ta'emahino pe `a e anga hono fakanofonofo e kau memipa mo e fakalele `a e Komiti Talanoa-talanga ko ia `oku ne fakafofonga'i e Tu'i, Falealea mo e Kakai, `i he `uhinga tefito `oku na kei faka'ape pe ki he tu'unga `o `Akilisi Pohiva mo Clive Edwards mo `ena kau kakato ki he Komiti ni `o `ikai tali ke mahino lelei `a e mo'oni. - Siosiua F. P. Tofua‘ipangai

Na‘e fuofua hu ki he Fale Alea Tonga ‘a Samiuela ‘Akilisi Pohiva ‘i he to‘u Fale Alea ‘o e 1984-1986 ‘a ia koe lava eni ‘a e ta‘u ‘e 21 ‘ene fai fatongia ma‘ae kakai. Ko kinautolu ne kaunga Fakafofonga mai mo ia `i he 1980 tupú kuo nau mavahe hono kotoa, pea lolotonga `a e 1990 tupú ki he 2000 na`e fetomokosi holo pe. - ‘Ofa ki Tonga

Fakatauange ke tau ke tau toe talanoa mu'a ke tau toe femahino'aki pea toki hoko 'a e felafo'aki mo e felotomamahi'aki. 'Oku ou tui foki 'oku 'ikai ke totonu ke tau fu'u loto mamahi 'o fu'u to ki tu'a ke tautea 'e tau kau faiako, 'oku ou fokotu'u atu tau toe ki'i vakavakai lelei ange 'o toe kumi ha fakakaukau 'e lava ke tau ngaue fakataha ai mo si'i kakai ngaue 'aonga ko'eni ke teu'i e kaha'u 'o Tonga. 'Oku fele 'a e ngahi founga 'a e kakai 'oku ngaue he potungaue ako ke nau fakalele'ii 'a e ki'i palopalema ko'eni. He ko hono 'uhinga ia na'e fili ai 'e he pule'anga ke nau fakalele 'a e Potungaue Ako. - S. Tupola

Ko e ki'i fakahoha'a ko 'eni 'oku tu'unga pe he hanga hifo ki he fakamatala moe fakamanamana 'a e kau faiako 'o e ngaahi 'apiako 'a e Fonua. 'Oku ou ngaue atu 'aki 'a e 'apiako 'a e fonua he neongo hono ngaue'aki e 'apiako 'a e Pule'anga ka ko e fakakatoa pe ia 'o Tonga katoa. - Siosaia Moimoiangaha

‘Oku ou poupou.‘i hono fili ‘ehe kakai 'a honau kau fakafofonga ke nau fai hono pule...’i mo fakalele 'a e Pule...’anga, 'o hange ko e kau Minisita mo e Palemia.... ...‘Oku totonu ko e tokotaha kotoa pe ...‘oku kanititeiti ke kau hono fili 'e he kakai ke hu mai ki he falealea 'o kau ai mo kinautolu 'e to'o mei he fa'ahinga 'e fili mai 'ehe kakai... ke fakanofo ki he ngaahi lakanga faka-Minisita mo e Palemia, ...‘oku totonu ke i ai 'enau taukei (work experiences/extensive leadership) he ngaahi mala...’e... te nau... pule'i, ... pea toe 'i ai mo 'enau... tu'unga fakaako (academic qualifications) 'i he tafa‘aki 'o e ngaahi potungaue ko ia. ‘Oku totonu foki ke .‘I ai ha‘anau taukei pea mo ‘ilo ki he ngaahi ‘ulunganga fakafonua (ethical). - Benedict M. Lemeki

Kuo nga`uta `a e `Otu Felenitee pea hange kuo pakia fo`ou tokua `a e kakai `o e fonuá `o takua kuo tau tu`uta `i ha kuonga fo`ou he kuo fongofongaola `a e maa`imoa akó pea maama `a e fonuá. - ‘Ofa ki Tonga

Kou lau hifo 'i he hanga 'e he kau polisi 'o fa'ao 'a e ngaahi me'alele pea pehe ki he 'api ne nofo ai e konga e kau ngaue fakapule'anga 'i Vava'u. Pea 'oku mahino pe ia ko e fai honau fatongia ne fakakouna'i kinautolu ki ai.

'Oku ou kau he kau lau ho'o ngaahi ongoongo pea pehe ki he ngaahi kautaha ongoongo kehe. 'Oku ou tui ta'etoeveiveiua ko e ma'u hala eni 'a e BBC. Ne 'ikai ha lau pehe ho'o fakamatala ka ko 'eku hoha'a na'a ko ha ma'u hala eni moe lau he letio ABC 'ae pule 'o e TV OBN. Kou tui 'oku 'ikai 'ilo 'e he tokotaha ni 'ene me'a na'a ne lea'aki. -George Sica,