Results for Talanga 'i he lea faka-Tonga

Ko e me'a pee 'oku mahu'inga 'i he modern days mo e onopooni, 'a e sitapa'i 'i fale lotu ki langi 'o mahino 'oku nau "legitimate"!! It is a very important known fact world wide as well as this great land of Monarchy that if you're not married inside a chapel by a legitimate priest, then you're not "count". Otherwise, na'e mei Tu'i 'a Vilai mo Vaea he taimi ni he na'e 'eiki ange 'a e fa'e 'a Vilai 'i he fehuhu 'a Kuini Salote, tapu ange moia. Ka ko e me'a kihe sitapa'i e fa'e ia 'a Kuini Salote 'i fale lotu, na'e Kuini ai ia. - Margarita Samson

Katai pe mu'a kau kau atu he talanoa kuo fokotu'u mai 'e he fefine mei he Bay Area (San Francisco). 'Oku ou mahu'inga'ia 'aupito he ngaahi fokotu'u kuo ne tuku mai ki he talanga'anga' pea 'oku ou fakamalo lahi ko 'ene loto tau'ataina ke fakaha 'ene fakakaukau ke tau 'inasi kotoa ai. Ko e 'uluaki me'a 'oku ou mahu'inga'ia ai ko e lave ki he 'etau ngaahi tukufakaholo 'oku tau kei piki ki ai he ngaahi 'ahoni ka 'i he taimi tatau pe 'oku tau feinga ki he 'etau nga'unu ki ha to'onga mo'ui 'oku toe ma'ama'a pea faingofua ange. Ne u lava foki ke mamata tonu 'i he ngaahi pangai 'osi 'o e Telio' pea na'aku fakatumutumu 'i he kolo'ia 'a e fonua' ka 'i he taimi tatau pe 'oku fai 'a e fekailangaki tokua 'oku masiva 'a Tonga. - Siosaia Moimoiangaha

'Oku ou fakamalo ki he ngaue lahi kuo feia 'e he Tama Tu'i Pelehake kuo mama'o kae 'uma'aa 'a Dr Halapua pea mo e toenga 'o e Komiti ni pea 'oku ou fakafeta'i 'i hono tali lelei mei he Tama Tu'i pea pehee ki he Sea 'o e Falealea pehee ki he hou'eiki memipa 'o e Falealea pehe. - Molumalu ‘o Ha‘angata

Hufanga he ngaahi tala fakatapua 'oku fa'a toutou aofaki he ha'ofanga 'o e talanga kae 'ataa ke fakalavelave atu ki he me'a 'oku fai ai 'a e talanga 'a e tangata mei he hala fakakavakava 'o 'Aositelelia pea kuo fai hono lave'i mei 'Amelika lahi kau mai ki ai mo Ha'amoa pea ta'ota'o mai ki ai si'i tangata Nu'usila. - Samuel Vaipulu

Ko e lea 'eni 'oku taka homau fonua taka fekau'aki moe mahu'inga mahino 'o e me'a 'oku hoko he mala'e tau, "teke lau e tohi kotoa 'o kau ki he tau, teke sio he televisone mo e hele'uhila 'i he ongoongo mo e ngaahi faiva 'o e tau, ko ho'o toki a'u tonu pe ki he mala'e tau keke ongo'i e longoa'a mo e fepunakaki holo 'a e pulu mo e 'one, namu'i e vela 'ae koloa mo e manu mo e kakai, fakakuihi ho mata pea ke kaukau he toto 'o ho kaunga tau kuo lavea, ko ho'o toki lau ia kuo ke 'ilo'i e laumalie 'o e mala'e tau. Ko e kakai pe heni 'oku 'i ai ki'i lipine 'oku ui koe CAR (Combat Action Ribbon) 'oku pine'i ki honau teunga. - Sione Lousiale Kava

Kole fakamolemole atu kihe ha'ofanga 'eiki, 'apee na'a taku kuo ngali ke u toe maumau'i homou taimi, kae tuku pe mu'a 'a e ki'i faingamalie ke toe fai atu ha lafo kihe tohi 'a e tangata Aussie, 'Inoke Hu'akau. - Tevita Hafoka

Ko e kuonga 'eni 'oku fehu'ia lahi ai 'a e ngaahi me'a kotoa pe pea 'oku fai mo hono 'eke'i hono 'uhinga mo hono founga. 'Ikai ko ia pe kuo fai 'a e felauaki mo e fakafekiki ko hai 'oku tonu ko hai 'oku hala pea tuhu e ki hee mo ee ki hee. Hoko atu ki ai mo e taki taha fakatotolo'i ke ma'u mo 'ilo 'a e kovi mo e tonounou 'a e fa'ahi ko ee ka 'i he taimi tatau 'oku 'ikai te u loto au pe fa'ahi ko ee ke tukuaki'i kuo 'i ai ha vaivai mo ha fehalaaki. - Samiuela Vaipulu

'Oku ou kole ke u fakateiapa'a atu 'i he ngaahi tala aofaki maheni 'oku fa'a ongo na 'i he pangai ko'eni. Toumu'a fakamalo atu ki ho'o mou fakahoko mai 'a e ngaahi ongoongo pea lava kemau ma'u kakato ai 'a e ngaahi ouau toputapu 'o e Telio 'a e Hau kuo unga fonua. - Tevita Hafoka

lou mo e Hau 'o e 'otu Tonga, ongo 'apa'apa mo e ngaahi fakatapunga kotoa pe 'o e fonua. 'Ofa ke ngofua pea 'ofa ke 'ataa ke u fakalavelave atu ki he mahu'inga 'o e nofo 'a e Tonga. Fakamolemole'i au na'a taku kuo te hala loto'api 'atu ka 'oku ou tui 'oku mahu'inga ke tau fetalanoa'aki ke kei pukepuke 'a e Tonga mo'unga ki he loto 'a ia 'oku kanoloto 'aki 'a e 'ofa. - Samiuela Vaipulu