You are here

Results for Talanga 'i he lea faka-Tonga

Tuesday 5 September 2006
USA
"Tangata Tofua'ipangai, Tuku e fekumi lau melie',' 'Oku 'ikai kau he lau' e 'aa mohe',' Ko e lea pe e ngaue' he na'e 'ikai lau kafo ka na'e lau lava pe. Te u fakangata ai 'eta pootatala,' Kau foki he ko au Moimoiangaha,' Keu 'a 'eva mo talanoa he taavani 'a e 'umata'. 'Ai ho'o lea' mo faka'esia, He ko e pangai 'eni 'o e ha'a tika, 'Ai ho'o faka-hua' ke 'oua 'e kaaimu'a, 'Oku ha e 'akau hono fua, Pea tuku mu'a e fie angi' mo e fie taki'. - Siosaia Moimoiangaha
Sunday 3 September 2006
Canberra, Australia
Fakamalo lahi atu kia Moimoiangaha mo ‘Ofa-ki-Tonga he kei lafo mai pea kuo to atu he ‘oku tau fai atu kitautolu ‘i ‘tu’a ‘isiu’ ‘au’aupito ‘aupito mei he ngaahi ‘uhinga ‘eku fuofua tohi mo e ngaahi fehu’i ne u feinga tatu’olahi atu ki ai. -Siosiua F. Pouvalu Lafitani Tofua’ipangai
Node is premium Premium content
Sunday 3 September 2006
USA
'Oku toki mahino mai taa ko e mo'oni pe 'a "Fekumi ia 'a Lo'au." Kuou toki fakatokanga'i ko e fekumi 'oku fai mei he 'Api ko Ma'anga' pea hange ko e lau 'a OKT "Fananga" 'oku foki faka-holomui e fekumi ke toe kamata mai e mo'ui 'a Lo'au'. - Siosaia Moimoiangaha
Sunday 3 September 2006
Long Beach, California
Kuo ke fehu`i mai pe ko e ha ha`aku poa kapau `oku `i ai ha`o fetu`utaki fakatoto fakataha mo e tokolahi ho`omou kau fakatotolo LRS ki he hingoa Ma`ananga mo e Lo`au. Ko e ha? Ko e fuifuilupe fo`ou koe na`e `ikai ke tohi `i Pule`anga `o `ikai `ilo`i ai `e he fonua? Kapau kuo fakangofua kimoutolu `e Fale Lahi ki he hingoa, `oku `ikai ke pehee ia `oku tonu ai `a e ngaahi valelau kuo ke `omai `i he paenga ni. `E `ikai ke u tali atu `a e toenga ho`o ngaahi fuhifuhinga fehu`i he `oku tatau pe `enau mamaha mo `enau ta`e `uhinga! - ‘Ofa ki Tonga
Saturday 2 September 2006
Canberra, Australia
Fakamalo lahi atu kia ‘Ofa-ki-Tonga he uiui faikava fo’ou ki Ma’ananga mo ha kaveinga mahu’inga faufaua fekau’aki mo e tala ‘o e hingoa he’etau mo’ui

fakaha’a mo kainga ‘i hono ‘aho, ka he ‘ikai ke u tali atu ho’o lafo he ‘oku ke ‘ulu’i tohi pea kamata’aki pe ho’o ‘faka’aluma’ mai ‘’i tu’a ‘isiu’ ki he’eku felafoaki mo Tangata Hao’uli mo Moimoiangaha pea mo e fekeli faifatongia fakaako ‘a e Sosaieti Fakatotolo ‘a e Lo’au (Lo’au Research Society/LRS). Kou ki’i ‘uluaki fie fehu’i atu kiate koe tangata/fefine katau toki vakai pe’e palu ho kava ‘i he ‘Api ko Ma’ananga: - Siosiua F.P. Lafitani
Node is premium Premium content
Friday 1 September 2006
USA
Each time an expert from abroad arrives to enlighten and civilize the "barbarians"” of the Friendly Kingdom, it gives me the creeps. Please do not ask me why. Idiots usually feel that way about people. There should not be any surprise that I fit in perfectly when I feel that way. The latest was the visit by Ms Imrana Jalal, a Human Rights Advisor for the Pacific Regional Rights Resource Team. Please put your guns away. That is uncalled for. I support human rights as well. -Tama Foa
Thursday 31 August 2006
Long Beach, California
Ko e ngaahi hingoa fakafamili `oku `ikai totonu ke ui noa`ia kapau `oku `ikai ke `i ai ha`ate pikinga toto ki ai. `Oku a`u pe `i he taimi lahi `oku `ikai ke faka`aonga`i `a e ngaahi hingoa fakafamili ia `e ni`ihi kapau ko e toto pe ka ko e hako`i fefine ia koe`uhi `e iku ia `o `alu hala ai `a e hingoa. Ko e talu mei tuai, ko e `asi pe ha hingoa `a ha famili, `oku `eke`i atu leva pe ko e tamasi`i koe `a hai. `Oku hohoko`i mai leva pe ko hono talamai pe `a e hingoa `o e tamai, pea tali atu leva, `io ko e mo`oni, he `oku pehe mo pehe. - ‘Ofa ki Tonga
Wednesday 30 August 2006
Australia
'A e ongo Tangata Hao'uli mo Moimoiangaha malo '‘a e tau mo e malu'’i 'a e paenga ni, pea ne u foki ki Ma'’a nanga ki hono lepa mo e '‘ea haofano fakangalongata'a, pea u vakai mai kuo mo ui ange mo ho'omo ma'u kava, ko ha talanoa mala'e ako, pea 'oku ai 'a e mala'’e ako mo e ngaue ia hange ko e mitia 'oku 'ikai ngofua ke fai ha talanoa ia ki ai, '‘i he 'uhinga hange ko kinautolu kuo nau ako mo ngaue fuoloa ai '‘oku nau '‘ilo lahi taha ki ai. -Siosiua F. P. Lafitani Tofua'’ipangai
Node is premium Premium content
Tuesday 29 August 2006
USA
Katai pe pea ke fakamolemole kapau na'e ha ne fai ha "faka'aluma" 'o hange ko ho'o tukuaki'i au'. Ko e founga 'eku tohi 'i hono tali e "Tokanga he fanga Nifoloa" na'e 'ikai ha faka'aluma ia ko e fakaha atu pe 'a e anga 'eku ongo'i ki he taha 'o e ngaahi 'uhinga na'a ke lave ki ai he ko au na'aku fakaava e 'uluaki talanoa moe vivili 'o fehu'i felave'i mo e Pekia 'a e Tama Pilinisi Tu'ipelehake mo hono 'Ofa'anaga pea. Ko 'eku mo'oni kotoa pe 'ena na'e tuku atu ki he siakale 'o e talanoa. - Siosaia Moimoiangaha
Monday 28 August 2006
USA
'Oku mo'oni 'aupito 'a e me'a na'ake lave ki ai "Honesty is the best policy", pea 'oku mahino pe kiate au 'a e 'uhinga na'ake loto mamahi ai. 'Oku mahino foki na'e 'ikai ha loto taaufehi'a pe tukuaki'i hala (kovi) 'o ha taha. Na'e lea e tangata fa'u tohi ko Mr Carlson "Don't Sweat the Small Staff" ('Oua 'e pupuha'ia he me'a iiki') 'oku 'uhinga ia ke 'oua 'e maumau (pe faingata'ia) e loto 'i ha fu'u taimi lahi 'i he fanga ki'i me'a iiki. - Siosaia Moimoiangaha
Monday 28 August 2006
Auckland, New Zealand
‘Oku ou tui ‘oku ‘i ai ‘a e falukunga nusipepa Tonga na'e 'osi fakatau ‘e Siosiua Lafitani ‘o lau mo tafu ‘aki ‘a hono loto tangia! Ka ‘okapau te ne to ‘o hake ‘a e ngaahi tatau ‘o e ngaahi pepa ni ('o hange ko e Taimi ‘o Tonga, Kalonikali, Kele'a pea mo e ngaahi pepa mei Tonga ‘oku nau ma ‘u hohoko 'i Sene), he fo ‘i uike ‘e 6 kuohili ‘o fai mu'a 'a e ki'i fakatotolo si'i ko'eni. - Sefita Hao‘uli
Saturday 26 August 2006
Canberra, Australia
Pea ka ai ha me’a ‘oku fakafehu’i ki ha taha pea ko e mahino ia ‘oku ‘ikai ke mahino mai mo ofi he ‘isiu ‘ene talanoa. ‘Oku malie ho’o mio’i holo ‘a e ngaahi poini pea he ‘ikai ke u to e fielave atu ai, he kuo ke vili fietalanoa mai mo talanga ka ‘oku ke fufu ‘a e me’a lahi fekau’aki mo e mitia mo ‘ene ngaue ‘oku fai ki he ngaahi me’a ne u fakafehu’i atu. Ko ‘eku lave faka’osi atu he’eku tohi ne ‘iloa ko e Sefita...” kiate koe, he ‘osi ‘eku ngaahi fehu’i ‘oku ‘ikai pe ha’o fielave mai ki ai. - Siosiua Tofua‘ipangai
Saturday 26 August 2006
USA
Kuou matafaiva pe 'i he fai faiva 'a e ngaahi ika lalahi 'o e moana, peau pehe ke u ki'i 'ohonoa atu mu'a 'i he felafoaki 'a e Lafitani 'o Kenipela pea mo e kau tahi'i toa 'o e matanga. Malie mu'a kau tangata 'a e tupe, mo'oni 'a 'eta lea Tonga, kuo mau tufi ai pe si'i mautolu fanga monumanu vaivai (hufanga atu 'i he fakatapu) 'i he fangota 'a e Lulutai. - Sione V. Kelepi
Friday 25 August 2006
USA
Ko e pisinisi 'oe ngaahi Kautaha Vakapuna (Airlines) 'oku 'i ai 'enau tu'ungalea 'oku pehe "Rules Are Subject To Change) ko e tu'utu'uni (Lao) 'e malava peke liliu". Ko e totongi 'oe ngaahi sea 'of vakapuna 'oku vahevahe ia ki he ngaahi (Zone) kalasi 'a ia 'oku ngaue'aki 'a ngaahi mata'itohi ko e F, Y, B, M, H, Q, W, T. ko e ngaahi kalasi ko 'eni pe ko e "ZONE" 'oku fakamahu'inga ia 'o fakatatau moe taimi 'oku fakatau ai e tikite'. - Siosaia Moimoiangaha
Friday 25 August 2006
Auckland, New Zealand
Fakaha mai a ‘oku ‘ikai teke lava pe ‘oku faingata’a ke ‘omai ‘a e ngaahi me’a neu kole atu ki ai ka tau hiki atu ki ha me’a fo’ou na’a faifai pea toe to’o ‘a e falala 'oku fai ki Ma’ananga. - Sefita Hao‘uli
Thursday 24 August 2006
USA
'Oku ou kole fakamolemole atu pe kapau na'a ku faka'aa'i ho'o mohe', kae tuku ai leva keta talanoa he kuo ke 'a mai. 'Oku ou fakamalo atu Siosiua ko ho'o fie tali hoku fononga. 'Oku 'ikai ngofua 'i he 'etau nofo faka-kolo mo fakafamili ke fakaulu ha taha 'i he loto kolo' pe 'e kai tu'u he hala 'o fa'itoka 'o hange 'oku 'ikai ke ne toka'i mai ha taha'. 'Uluaki 'o e maumau 'oku ne fakaha mai 'a e ta'etoka'i, ta'efaka'apa'apa, ta'emingao, fakataau mo e ngaahi 'ulungaanga 'oku ha'aha'a hono natula' 'o hange ha ma'ehu mei pulotu'. - Siosaia Moimoiangaha
Thursday 24 August 2006
Canberra, AUSTRALIA
Ko e fehu’i leva kou fai kia au, ko e ha’eku me’a’e fai, te u to e tatau atu ai pe, he ko e ui faikava e’e ua ki loto Ma’ananga mo e te’eki pe ke paasi ia ke palu ha efe.’E hange foki ha sio lalo pea’e hange ha ilifia atu kapau he ‘ikai ke u tali atu ho’omo ui faikava. Ka’oku ou kole pe he talamalu 'o Lo'au mo e fonua ke’oatu’a’ene founga ketau’inasi ai, pea me’a ki ai’a e hau’atea’oku me’a. Kou kole atu kia koe pea kia Moimoiangaha ke mo fakamolemole’o’eiki pe kamo tali mai’a e ngaahi fehu’i ko’eni fekau’aki mo’eku’atikolo katau toki vakai pe’e palu hotau efe, pe te u tatau atu pe he: - Siosiua Tofua‘ipangai
Wednesday 23 August 2006
Auckland, New Zealand
Na’e mei tonu pasika ange ke fakaikiiki mai ‘e Lafitani ‘a hoku kaunga fononga pilikimi he mitia ‘i Tonga, Nu’usila pea mo Aositelelia ‘a ia ‘oku makatu’unga ai ‘a ‘ene mamahi ka kuo ne pae fakataha kimautolu ki ha fokotu’unga ‘o tukuaki’i na’a mau halaia kotoa ko hono tanu ‘o e ngaahi me’a lelei ‘o Tonga kae fakae’a pe ha ngaahi fakaanga ke hange ko ‘emau kaveinga ngaue tokua ko hono fakangalikovi’i ‘a hotau kau taki pea mo e fonua. Mei he kamata ‘o a’u ki he piliote faka’osi ‘o ‘ene fakamalanga ‘oku hala’ataa ke ‘asi mai ‘oku ‘i ai ha fo’i me’a lelei ‘e taha kuo fai ‘e he mitia he ngaahi fonua ni ki he ‘etau nofo. - Sefita Hao‘uli
Wednesday 23 August 2006
Ko e `uhinga lahi `oku `omai mei Oakland, ko e pehe tokua `oku makatu`unga `ene fokotu`u mei ha`ane ...“observe...” `a e fai fatongia ko ia `a e `Ofisi ko `eni. `Oku `ikai ha`ane lave mai pe ko e ha `a e ola ko ia `ene vakai (observation) ki he ngaahi fai fatongia ko `eni, kae hopo hangatonu pe ki he`ene aofangatuku malohi ko ia ke tapuni `a e `Ofisi. - ‘Ofa ki Tonga
Wednesday 23 August 2006
Canberra, Australia
Kou kole atu ki he tangata ni ke ne kataki fakamolemole ‘o lafo mai ‘i ha ‘isiu mei he ‘eku tohi keta talanga mo felafoaki ai, mo ta vahevahe ke ‘inasi ai e kau lau kupenga vahaope. - Siosiua Tofua‘ipangai

Pages