Results for Talanga 'i he lea faka-Tonga

'E lava nai ke pulusi pe 'omai ha fakamatala fakaikiiki 'o fekau 'aki moe ngaahi fakafofonga kuo fili 'e he kakai pea ke kau ai mo e ngaahi tu'unga kuo fili 'e he hou'eki mo e fili mei fale lahi. Ko e ngaahi me'a ke tau 'ilo'i 'o fekau 'aki mo e kakai 'oku nau taki 'a ho tau ki'i fonua. - Tali Mau

‘Oku lolotonga popo’uli e ‘Otu Felenite he fu’u pulonga kafakafa ne to ‘i Ha’a Talafale ka’uma’a ‘a e Paini Tu’u Ua kae fakafeta’i pe mu’a he ‘oku to pea toe hopo hake pe e la’aa he ‘aho ki he ‘aho. - Sailosi Finau

Kuo lahi faufaua 'a hono tu'uaki 'a e melino mo e lotu' 'i hotau ki'i fonua', 'i he ngaahi 'aho kuo maliu atu' 'oku hange kuo faka'ikai'i 'a e fo'i mo'oni ko 'eni'. Ko e ngaahi (talanoa) taalanga kuo fai' neongo ne fai e tau'aki fakamahino 'uhinga neongo e ('ikai lolo tatau) ta'e felotolotoi, 'oku ou pehe kuo taimi ke ta'ota'ofi 'a e (tuhu) tau lau' he ko e anga ta'e faka'apa'apa ia pea kuo mole 'a e fo'i 'uhinga malie 'o e talanoa'. 'Oku ou 'ofa lahi ki he tangata ko Sefita Hao'uli he kuo fu'u lahi 'a hono 'ohofi mei he ngaahi tapa kehe kehe 'o e kolope. - Siosaia Moimoiangaha

‘Oku ‘ikai puli ‘a e kaveinga ‘oku ngaue‘aki ‘e he Timi Fo‘ou ‘ae langa fonua he kuo ‘ikai ngata pe he to lalo e tu’unga faka’ikonomika ka ‘oku ‘amo ange ‘a e lahi faufaua e valau fakapolitikale ‘i he fonua, ‘o a’u ki ha tu’unga kuo fu’u maulalo ai hono faka’apa’apa’i, poupou’i pea mo hono toka’i ‘o e Pule’anga. ‘I he’ene kaveinga’aki e langafonua, kuo toutou mahe’a mei he ngaahi me’a ‘a e PM ‘a ‘ene fehu’i pe. Ko e fe e loto’i Tonga? - Sailosi Finau

Ko e faiva fuhu ‘oku ‘iai e me’a ‘e tolu ‘oku fai kiai e tokanga. ‘Uluaki ko e tu’unga fakaivi mo malohi fakasino ‘o e tangata fuhu; Ua, ko e taleniti he faiva’ni, ‘i he tuki, kalo, va’e mo e ha fua; Tolu, ko e tokotaha ‘oku teu ke na fuhu, ko hono taleniti, malohinga mo e vaivai’anga. Neongo eni kotoa, ‘oku fiema’u ha faiako ke ne fakatonu ‘e te teuteu mo e ‘atamai ‘o e tagnata fuhu koe’uhi ko e iku’anga ‘o e faiva’ni ‘oku tolu pe: Ko e ‘osi ‘a e fuhu ‘oku tu’u koe kae tokoto taha ki lalo; Mo kei tu’u loua kae lau pe kohai na’e lahi mo tau ‘e ne tuki; pe ko e tu’u ‘a e tama ‘e taha ka ke tokoto koe. - ‘Inoke Fotu Hu‘akau

'Oku malie ma'u pe e ngaahi me'a 'oku hoko 'i hotau ki'i fonua pea 'oku fakaoli he taimi 'e ni'ihi. Lolotonga 'eku talitali pe kohai e sulu 'oku fai ki ai e faiva kuo kamata e lavelavea ia 'a e kau 'etifaiva 'o toe veiveiua ange 'eku fakakaukau. Kuo ki'i fuoloa e longo 'a e PSA, ka ko e sekelitali fakataimi pe eni 'oku toe 'aka ki he media. Hange kiate au ko e tokotaha ni 'oku mate kala. - Pola Loiti

‘Oku hanga he hopo sivile ko ‘eni kuo tau situ‘a me ai ‘o fakamanatu mai ‘a e ngaahi me‘a lalahi ko ‘eni: ‘oku mahino lelei ko a ‘etau konisitutone mo e lao kiate kitautolu? - Siosiua Tofua‘ipangai

'Oku 'ikai keu 'ilo pe 'oku ou ngangau 'ulu pe ko e ninimo 'i hono lau hifo 'o e fakamatala ki he langa 'o e (Confrence Hall for the Oct Forum of Pacific Leaders). 'Oku tau lolotonga mapuhoi he ngaahi 'aho ni ko e toumo'omo 'o e tu'unga fakapa'anga. 'Oku 'i ai 'a e ongo fu'u holo, (fale sipoti Atale & Kuini Salote Hall) ke ngaue'aki 'e Tonga ki he ngaahi fakataha pehe ni kae taataanaki ha pa'anga 'i hono ngaue'aki'. - Siosaia Moimoiangaha

Kole ke tukuatu mu’a’a e ki’i tasilisili ko’eni ki he’etau fai’anga talanga he ope. Fakamalo atu kia kinautolu’oku nau tafunaki hotau pa‘‘anga-talanoa. Faka’ofo’ofa moe ngaahi fokotu’u. Ka’oku ou tui’oku totonu ke tau fakakaukau’i’a e fakakaukau na’e fakasisi mai’e Sailosi Finau kimu’a atu na’ane fakalea ko e tefito’i fakakaukau’o e "TOPONO". - ‘Inoke Fotu Hu‘akau