Results for Talanga 'i he lea faka-Tonga

'Oku ou kole fakamolemole atu pe kapau na'a ku faka'aa'i ho'o mohe', kae tuku ai leva keta talanoa he kuo ke 'a mai. 'Oku ou fakamalo atu Siosiua ko ho'o fie tali hoku fononga. 'Oku 'ikai ngofua 'i he 'etau nofo faka-kolo mo fakafamili ke fakaulu ha taha 'i he loto kolo' pe 'e kai tu'u he hala 'o fa'itoka 'o hange 'oku 'ikai ke ne toka'i mai ha taha'. 'Uluaki 'o e maumau 'oku ne fakaha mai 'a e ta'etoka'i, ta'efaka'apa'apa, ta'emingao, fakataau mo e ngaahi 'ulungaanga 'oku ha'aha'a hono natula' 'o hange ha ma'ehu mei pulotu'. - Siosaia Moimoiangaha

Na’e mei tonu pasika ange ke fakaikiiki mai ‘e Lafitani ‘a hoku kaunga fononga pilikimi he mitia ‘i Tonga, Nu’usila pea mo Aositelelia ‘a ia ‘oku makatu’unga ai ‘a ‘ene mamahi ka kuo ne pae fakataha kimautolu ki ha fokotu’unga ‘o tukuaki’i na’a mau halaia kotoa ko hono tanu ‘o e ngaahi me’a lelei ‘o Tonga kae fakae’a pe ha ngaahi fakaanga ke hange ko ‘emau kaveinga ngaue tokua ko hono fakangalikovi’i ‘a hotau kau taki pea mo e fonua. Mei he kamata ‘o a’u ki he piliote faka’osi ‘o ‘ene fakamalanga ‘oku hala’ataa ke ‘asi mai ‘oku ‘i ai ha fo’i me’a lelei ‘e taha kuo fai ‘e he mitia he ngaahi fonua ni ki he ‘etau nofo. - Sefita Hao‘uli

Kou kole atu ki he tangata ni ke ne kataki fakamolemole ‘o lafo mai ‘i ha ‘isiu mei he ‘eku tohi keta talanga mo felafoaki ai, mo ta vahevahe ke ‘inasi ai e kau lau kupenga vahaope. - Siosiua Tofua‘ipangai

Ko e ngaahi felafoaki ‘oku fai he ngaahi pepa mo e mitia ki hotau fonua tupu ‘anga, pea kau atu ki ai e ngaahi pepa ‘a e ‘u fonua muli lahi tefito ki NZ mo ‘Aositelelia, ‘oku fu ‘u malie faufaua. He ‘oku nau hanga ‘o fakafotunga mai ‘a e tui mo e mahino ‘a e fakataau taha mo e fakatokolahi ki hotau hisitolia mo e ngaahi me ‘a ‘oku hoko totonu mo mo ‘oni, pea mo e ngaahi me ‘a hala mo ‘ikai mo ‘oni. - Siosiua Tofua‘ipangai

‘Oku lolotonga valau ‘a Fisi ‘i he ‘uhinga mo e founga ne kouna ‘aki ‘a Ratu Mara kene hifo mei hono tu ‘unga taki he fonua (Palesiteni). Ne u faka ‘amu ‘e lavelave mai e paluplau e ongo vaivai ki hono hanga ‘e Tonga ‘o tukuhifo hono Tu ‘i ‘Ofeina pea mo hono Hau. Na ‘e hoko ‘eni ‘i hono fakapuna kitu ‘a ‘e he PSA ‘a e tu ‘utu ‘uni ‘a ‘Ene ‘Afio ‘i he Fakataha Tokoni ke ‘omai ha ‘atita tau ‘ataina ke ne vakai ‘i ‘enau launga. ‘Io pea na ‘e silongo ‘akinautolu na ‘e tonu ke nau lea fakapalofita he taimi ko ‘eni. - Sailosi Finau

Taumaia na'e lava 'e he tu'unga fakasiokalafi 'o e mamani ke halatu'uatu ha'amau failotu mo e kau faifekau 'o e ngaahi potu siasi kotoa mei he Tu'asivitasi pea mo e Tele'a ko Malaeimi. - Tongan Community Amerika Samoa

`Oku ongo faka`ulia ki he motu`a tu`a ni `a e fakahoko mai ko ia `a e popoaki ki he fonua na`e fai `e he Palemi`a `o Tonga, Dr Feleti Sevele, fekau`aki mo e pupuluhi `a `Ene `Afio, Taufa`ahau Tupou IV, ko e Hau mo e Tu`i `o e `Otu Tonga. - ‘Ofa ki Tonga

Kuo lahi 'etau sio kihe ngaahi fetukuaki he fonua kae ngalo ha sio ki ha hoko mai ha Tsunami 'o tau fetaulaki moia. Sai a 'Eua ia mo Vava'u he ko e fonua ma'olunga ka ko e hoko mai ki Tongatapu mo Ha'apai mahalo ko e puli ia he moana. - Lapulito

Ko e loloa mo e lahi ange’a e felingi’aki ’a Fisi’iahi mo Kava ko’ene mahino mai ia’a e laulaui ta’u’a hono ngaue fakavalevale’aki’a e ivi’o e fonua’e kinautolu na’a nau tangutu he nofo’anga’o hotau kau taki. - Sefita Hao‘uli