'Etita,
Kuo lava atu 'eni 'a 'etau talitali fiefia 'a e si'i fanau 'Ikale Tahi 'i he 'enau lava mai mei he World Cup. Ka na'e 'i ai ha ki'i me'a ne mau fu'u mamahi lahi ai 'i he efiafi ne tu'uta ai 'a e 'Ikale 'i he 'etau ki'i motu'a anga ta'efaka'apa'apa mo e lea vale ko'eni ko 'Akilisi Pohiva. 'Akilisi me'a malie ko 'emau ma'u 'a e maama he kapau na'e 'ikai mahalo temau ta'emahino tatau mo koe.
'Etita ne mau lava atu mo homau fangatuofafine mo e famili ko hono tali mai 'a homau ki'i 'uhiki ne kau he folau mai 'a e 'Ikale Tahi ko hono mo'oni ne fu'u fiefia 'a e kakai ka na'e 'ikai ke nau fakatokanga'i 'a e lea vale ta'engali mo e fakafofonga 'o e kakai 'o e fonua 'o pehe, Kainga mou 'unu ki mui tu'o 100+ 'ikai fiefanongo atu ha taha ki ai pea ne pehe ke 'ai mo 'ene ki'i launoa, 'o pehe -
"Kakai fefine mou 'unu ki mui na faifai kuo 'ikai lavea mai 'a 'etau fanau va'inga mei Falanise ka nau toki lavea nautolu 'ia moutolu ha'amou hanga 'o 'ohofi". Hange 'a e to 'ene lea 'oku mei 'ai 'ai kovi mo 'ene malimali 'i he vavaa 'a e kakai fefine.
'Akilisi kuo maama 'a e kakai 'o e fonua pea 'oku fakama ho'o kaikaila mai he maika 'i mala'evakapuna mo e 'ikai ke ongo atu ha taha kia koe.
Fakatauange teke 'uluaki liliu ko e mo ho'o ngaahi to'onga 'oku ne uesia ai 'a e tu'unga faka'apa'apa 'o e ngaahi famili ne nau talitali fiefia 'a e 'Ikale Tahi. Hange ko e lau, 'ai ha me'a ho 'ulu ke ngali ko e taki koe 'o e kau ta'emahino 'i he fonua ni. 'Osi 'emau tumu kapau ko e 'atunga ee pea tonu a kakai 'o 'ai ha me'a homou 'ulu kae 'oua 'e pa pe me'a mo e tui noa'ia holo he ko eee koe mamafa 'a e penisini pea mou toe hanu holo ko e 'atunga ia 'e fai pe laka he hala kuo mou kau ai mo e laka ta'e'ilo.
Fakatauange 'Akilisi keke kole fakamolemole kiate kimautolu 'oku mau kei ma'u 'a e angafakafonua ho'o lea vale ta'eta'eoli ne fai 'i Malaevakapuna he kapau na'a mau fakapouli tatau mo koe kuo tueee fakataha pe 'a e maika mo e piva meiate koe he efiafi ko ia.
faka'apa'apa atu,
Jay Lanipaka Tu'i'ile'ila
hungerbusta69 [at] yahoo [dot] com [dot] au
