Results for Talanga 'i he lea faka-Tonga

Kataki kae faka'au atumu'a 'eku fakamalo 'i he loto hounga mo'oni k he si'i fiekaungamamahi 'oku ha mai mei he Matangi Tonga. akamalo atu kihe 'Eiki Minisista Labor and Commerce, Lisiate 'Akau'ola neu fakahoko 'ene popoaki ki he Kovana 'o Amerika Samoa 'i he Emergency Operation Center (EOC) he pongipongi pe hili 'a e Tsunami, pea lau pe ia ko e popoaki faka pule'anga mei Tonga. -Mafi 'o Amerika Samoa

Ko e liliu fakapolitikale mo'oni ... Koha Kau fakafofonga Falealea Fakapotopoto Poto ma'a Tonga 'ikai ko e kau fakafofonga Falealea Tokolahi ange. (Quality not Quantity). -Siale Christopher Kava

Ko 'eku ki'i fehu'i pe 'aku hili hono lau e ngaahi feme'a'aki 'a e Falealea 'i he Lipooti ko ia 'a e Komisoni ki he liliu fakaolitikale. 'I he'eku lave'i vaivai ne 'ikai ha ngaahi fokotu'u (recommendation) ne ha he lipooti ko eni. Ka 'i he ngaahi feme'a'aki 'a e Falealea 'oku nau tipeiti kinautolu 'o hange kuo 'osi maau e lipooti. - v

'I he taha 'o e ngaahi ngaue mana 'a e 'Eiki ko'ene faka'a e kui. Na'e 'eke 'ai 'ehe kau akonga mo e kau mamata ki he 'Eiki pe ko hai na'e faiangahala; ko e tangata kui pe ko'ene ongo matua'. Na'e tali 'e he 'Eiki na'e 'ikai faiangahala ha taha 'o e kaume'ani ka 'oku hoko e me'ani ke fakaha ai e mafai mo e naunau 'o e 'Otua. - Sione Lousiale Kava

'Oku toki mahino mamalie mai heni 'a e to'onga mo'ui 'oku tau mo'ua kotoa ai ko e 'ai'ai noa'ia 'o 'ai ai 'eni ki he mole 'o e mo'ui ha fu'u kakai tokolahi. Ko hono mo'oni 'oku fele 'a e ngaahi tafa'aki 'oku fu'u fiema'u ke fai sio ki ai, tokolahi kitautolu 'oku tau pehe loto pe Fefe nai kapau na'e? Fefe nai kapau na'e toe fakapotopotoange 'a e kau kumi vaka mahino mai ne fu'u ngaue mo 'ilo lahi ki ai 'a e minista Paul Karalus, ko e ha me'a 'oku toe kehe ai 'a e kumi vaka mo ha'o kumi me'alele. Sio ki he hisitolia 'o e vaka ne kumi, me'a ne ngaahi, fakafo'ou, ko e ha ngaahi me'a 'oku fiema'u ke fakalelei'i kimu'a pea toki fai hano fakakaukau'i pe'e 'aonga ke kumi fakatatau ki he tukunga 'oku 'iai 'ae vaka mo hoto ivi fakapa'anga. Pea pehe ai ke ongo'i 'eke kau tama ko 'ena na'a nau kau hono alea'i 'oe vaka he 'oku mole ha'amou pa'anga ai. - Lou 'Uhila

'Etita, 'Okumalie ngaahi feme'a'aki he Fale pea fakamalo atu ho'o 'omai ke mau lave ai. Ka 'oku fakatupu fifili e ngaahi me'a 'oku hoko hotau Fale'eiki. -Samiu Sika

Faka'of'ofa 'aupito 'a e me'a 'oku lau ki ai 'a Siua Lafitani fekau'aki mo e founga fakatikitato 'oku fai'aki 'e teu liliu ko 'eni.

Kapau 'oku tau kumi ki he lelei tahá, 'e 'ikai kovi nai ke kau mo e palemiá he fili 'e he kakaii?

Fai ‘a e vakai tu‘a pe kiai pea u pehe loto pe, seuke!! Ta ko e fielau he na‘e talu pe hono fakahifo mai ki mamani 'a e Tama ni (tapu moia) mo hono polo'i ke Tu'i, pea fai hono lotua 'e he fonua kotoa. Tautau tefito pe eni ki he konga kimui 'o 'ene folofola ki he liliu 'oku lolotonga fakahoko. Pea mo 'ene folofola'aki 'a e ngaahi naunau 'o e tauhi sipi lelei "ke fakataumu'a 'a e liliu ki hono Tauhi mo hono Malu'i 'a hono Kakai mo 'enau ngaahi totonu kotoa pe . . ." - S. Tu‘ivai