Results for Talanga 'i he lea faka-Tonga

Kuo lapasi 'e he lao hu koloa mo e tu'utu'uni faka-mo'ui lelei 'o 'Aositelelia 'a e ngaahi anga faka-fonua 'o e kakai 'o e Pasifikí 'i hono faka-taputapui 'o e ngaue 'aki 'o e Kava Tonga. - Sione Akemeihakau Mokofisi.

'Oku 'ikai te u tui tatau pea mo Dr. Fisi'iahi ki hano fokotu'u 'o e kautaha ki he kau Polisi koe'uhi ko 'enau ta'efiemalie. 'Oku hanga 'e he tohi ni 'o fakaha mai heni e mamaha 'o e fakakaukau 'a Dr. Fisi'iahi pea mo e si'i 'ene 'ilo ki he lao mo e kakano 'o e ngaue mo e fatongia ko ia 'o e Komisiona Polisi. - Samiu Sika.

'Oku ou fakamalo atu heni ki he'etau Kau Loea 'i Nu'u Sila Mataitini Fotu, Sione Fonua mo 'Amelia Saafi ho'omou feinga 'oku fai ke fakamahino pe ko e 'api ko 'Atalanga na'e fakatau 'e he Pule'anga. 'Oku mahu'inga ho'omou 'ohake 'a e me'a ni he 'oku tau fanongo pe 'oku 'i ai mo e 'api 'o e Pule'anga 'i London, San Francisco mo New York, ka ko hai kuo sio he ngaahi Tohi Fakatau 'api ko ia. - Sione 'Uhilamoelangi Liava'a.

'Oku mahino pe ko e kuonga poto eni 'o Tonga, pea 'oku taki taha ta'aki 'ene mo'oni. Kau 'oatu ha ki'i fakamanatu: Na'e ufi, faka'apa'apa pea toka'i pe 'a e Tonga ia he kuo hili, pea ko e kuonga koula ia 'o Tonga! 'Oku hanga 'e he kuonga poto ni 'o 'ave ki tautolu ki he tu'unga 'oku ma'olunga 'aupito he 'oku lilika hoku poko'i mata tu'a he tau mama'o 'etau kaka. Ka ko e ma'olunga ange 'etau kaka ko 'ene 'osi ia 'a e fanga ki'i me'a 'oku kuku ke fai 'aki e fononga he'ene ngangana! - Leafa Taumoepeau.

'Oku 'ikai ko ha talaihangamai pe ko ha sani-tungua, ka 'oku hange ha fakatu'amelie ki ha'amau taunga 'oku tautau he fu'u telie. 'Oku ikai faingata'a ki he Kovana Le'ole'o 'i hono mafai ko e Palemia, ke langa ha mala'e vakapuna fakavaha'apule'anga 'i Vava'u ni. Ke fai mo langa'i hake 'a e Tourism Industry. - Paula Kava.

Ko e me'a 'oku fai kiai 'a e tokanga, he 'oku hanga 'e he lao 'o foaki 'a e faingamalie huu koloa mei muli ki he ki'i toko ni'ihi pe koia 'oku lesisita ke ma'u laiseni. Ka 'oku 'ikai ke hanga 'e he lao 'o malu'i 'a e kau consumer 'oku nau fua kotoa 'a e fakamole mo e tukuhau ki he koloa na'e hu mai mei muli. 'Oku laka hake he 90% 'a e koloa he maketi 'oku pau ke import mei muli. Pea 'oku 'ikai ke 'i ai ha taimi ia 'e pehee 'oku over-stock ai ha fa'ahinga koloa 'i Tonga ni. He 'oku kei lahi ange pe 'a e demand ia he supply. Pea 'i he'ene pehee, neongo e mamafa 'a e koloa ka kuo pau pe ke fakatau ia. - Paula Kava.

'Oku totonu hono faka'ali'ali pea mo e fiema'u mai 'o e kau sotia Tonga 'e he ngaahi fonua lalahi. 'Oku kau ia ki he ma'u ai 'a e maheni tau malu'i fonua 'a e sotia Tonga, pea faka'aonga'i ai kinautolu 'i he ngaahi founga faka-'ikanomika . 'O kapau 'oku 'i ai ha founga ke fakalahi ai 'enau maheni ngaue, pea lahi honau fiema'u, ko e ngaahi taumu'a ia 'oku tau feinga ki ai. - Sione Akemeihakau Mokofisi.

Ko 'eku fifili pe ko e ha 'oku 'ikai ma'u ai ha kau sotia mei he ngaahi fonua 'oku laui miliona hono kakai, pea laui kilu 'enau kau sotia. Kae feinga mai 'a Pilitania Lahi pea mo e NATO ke 'ave 'a e ki'i kau sotia 'oku 'ikai ke a'u ki he toko 1000 hono tokolahi, mei he ki'i fonua 'oku toko tahakilu pe hono tokolahi 'o e kakai. - Paula Kava.

Ko e me'a 'oku ui ko e tupu faka'ekonomika ko ha Fonua 'oku nau mo'umo'ua 'i hono lalanga 'a e ngaahi faingamalie ngaue'anga tu'uma'u, ke solova'aki hono feau 'o 'enau ngaahi fiema'u hono kotoa. Ko e formula 'oku nau ngaue'aki ko e Takimamata. 'A ia, 'oku nau faka'ai'ai 'a e kakai mei muli ke huu ange 'o nofo fakataimi 'i honau fonua – 'o ne lalanga ai ke toe lahi ange 'a e ngaahi faingamalie ngaue'anga tu'uma'u 'i he fonua, ke feau 'a e ngaahi fiema'u koeni. - Paula Kava.