Results for Talanga 'i he lea faka-Tonga

Kau taki temokalatii, kapau ko e taukave ena 'oku evidence-based, fēfē ke ‘alu fakataha pee ho’omou malanga’I e Temokalatii pea mo ho’omou malanga’i a Kalaisii. Ka liliu hotau fonuaa 'o lahiange 'enau muimui kia Sisu ‘i he muimui ki he Temokalatii, te tau a’usia e Temokalati fakamonu’iaa, pea ‘e ‘ikai toe ‘i ai ha 16/11. - Tevita Vaikona mo Senituli Penitani.

'Oku ou fifili 'i he taimi lahi pe na'e hu'u ki he ha 'a e fo'i hiki vahenga 'a e kau ngaue fakapuleanga. 'Oku fa'a taka 'i he ngaahi ha'ofanga 'a e lea 'o pehe "ko hotau fonua 'ofa'anga eni". Fai mu'a 'etau 'ofa fonua pea 'ai ke 'asi he'etau ngaue ka 'oku 'ikai ko e me'a 'oku lau pe mo lea 'aki. – HalaVuna.

Ko e faingamalie koeni ki Tonga ni ke tau host 'a e sipoti 'o e pasifiki ki he 2019 te ne hanga ‘o fakaava ‘a e matapaa ke tau langa ai ha campus fo’ou ke fokotu’u ‘aki ‘etau fuofua National University. - Paula Kava.

‘Oku ou fiefai ha tali ki he tukuaki’i hala funga ‘i he fakamahamahalo mo e loto taufehi’a ke fakangali kovi’i ‘a e ‘Eiki Minisita Fefakatau’aki, Takimamata & Ngaahi Ngaue ‘a e Kakai 'e he Paati Temokalati 'a e 'Otuanga'ofa PTO fekau’aki mo e ngaue fakaati ko Hinavakamea mo Tunavakamea 'oku teuteu'i 'aki 'a e hu'anga ki he Uafu Ko Vuna. - Dr Viliami Uasike Latu.

Ko e lau koia 'oku kei fakafelekeu holo ko e Pule 'a e Kakai, mou kataki kau Politiki 'o fakatatafe atu 'a e usu koia he na'e 'ikai ke mou fakakau ha 'elemeniti pehe (kakai) he founga pule na'a mo u fa'u. Ko e founga siokita na'a mou fokotu'u na'e fakataumu'a ke mou to ki Fale Alea 'o mou taki pea fa'iteliha ki ha toe liliu 'oku mou fiema'u ki hono falalele 'o e ngaue 'a e fonua. Ko e "kakai" ko e me'avainga pe ia ki ho'omou fiema'u. Pea fakatatafe atu mo e pehe ko e fili ha Nopele ke Palemia 'oku 'ikai ko e fili ia 'a e kakai, he ko e founga pule na'amou fa'u na'a mou faka'ataa ke fakakau 'a e kau Nopele ki he lakanga Palemia 'o e fonua. Ko e ha 'oku toe me'apaheke holo ai. – 'Inoke Fotu Hu'akau.

'Oku 'oatu 'a e fokotu'u ni ka 'oku makafokafo homau loto 'i he 'ofa, 'apasia mo e loto tauhivaha'a mo'oni ki he 'Eiki Palemia mo e . . . ka kuo kouna kimautolu ke mau fakahoko homau fatongia ni, koe'uhi ko 'Ene 'Afio ko hotau Tu'i, mo e lelei fakalukufua 'a e Kakai 'o Tonga. – Kau Fakafofonga 'e toko hongofulu 'o e Kakai.

Na'e loloa ange 'a e taimi na'e fakamole 'ehe Falealea ki he tufa pa'anga koia ma'ae ngaahi vahenga fili, 'I he taimi koia na'a nau fai ai 'a e 'a'ahi fekau'aki mo e ngoue mo e toutai ki he vahefonua Vava'u ni. – Paula Kava.

'Oku makatu'unga 'a e hoha'a 'a e kau ngoue 'o Vava'u, ko e fu'u mamafa ange 'a e totongi 'o e feleti ki Nu'usila 'I he totongi 'oku nau fakatau atu 'aki 'enau ngoue ki he kau exporters. 'Oku T$1.00/kilo 'a e totongi 'o e fua 'o 'enau ngoue, kae NZD$1.00/kilo 'a e totongi 'o e feleti. 'A ia ko e tangai kape 25kg @ T$1.00/kg 'oku T$25.00 ki he tangai, ka ko hono feleti 'oku NZD$25.00 ki he tangai. 'A ia 'oku hala ha tupu 'i he uta me'akai ki Nu'usila. – Paula Kava.

'Oku ki'I malona hifo 'a e felauaki fekau'aki mo e fokotu'utu'u 'a e pule'anga ke fakalele pe 'e he kautaha 'e taha 'a e fefolau'aki 'i he vaha'a 'o Nu'usila mo Vava'u. 'Oku mau tui ta'eveiveiua 'oku totonu ke fakatou lele pe 'a e ongo kautaha vaka ni, ke na fe'au'auhi 'o fakalakalaka kimu'a 'ena sevesi ma'ae kakai pea mo pukepuke 'a e totongi 'o e feleti 'I ha tu'unga 'oku fe'unga mo hotau vaivai. Ka ta'ofi 'a e Reef Shipping, 'e malava pe ke toe mamafa ange 'a e JAWS neongo 'oku fu'u ma'ama'a 'aupito 'enau feleti he lolotonga ni. – Paula Kava.