Results for Talanga 'i he lea faka-Tonga

Ko e lao ko'ena 'oku laulanu koe'uhi he 'oku fa'u pe ia ki he ki'i tokosi'i koia 'oku Memipa 'I he Falealea. Hangee kiate au ia 'oku mahu'inga ange 'a e mo'ui ia 'a e kau Memipa 'o e Falealea 'I he toenga 'o e kakai 'o Tonga. Kuo ha 'a e Pule'anga Fakatemokalati ia? kuo navu aipe 'e he ki'i tokosi'i ia ko'eni 'a e fu'u pa'anga lahi ko'eni 'a e fonua! – Sosaia Fatani.

Ko e fo'i Lao fakavalevale ko eni 'oku fokotu'u mai (ko e lao kene fakamafai'I 'a e Fakamau'anga ke ne fai ha tu'utununi ke puke ha koloa ha'a taha 'oku 'I ai hano mo'ua ki ha pangike), hangehange 'oku ne foaki 'e ia e mafai fakaleveleva ta'e fakapotopoto mo ta'e fakangatangata ki he ngaahi pangike ke nau fa'iteliha hono puke ha kelekele pe koloa pe 'a ha taha no 'e faingata'a'ia hono totongi ke ma'u 'enau pa'anga kae faingata'a'i 'a e fa'ahinga ia ko eni mo honau ngaahi famili ki he ngata'anga 'o 'enau mo'ui. 'Oku 'ikai ke fakakonisitutone ke foaki 'e ha lao ha mafai fakaleveleva ki ha taha pe pangike. – PV.

Tulou, Tulou mo Ha'a Moheofo Mo Ha'a Takiama he anga 'o e nofo 'Otua mo Tonga ko hota Tofi'a Vilingia 'eta Fuka ko Hono ta'ata'a. - Tu'iono & Fa'otusia.

Ko hono tanaki tu'unga 'o e ola 'o e va'inga 'a e 'Ikale Tahi, kuo 'unu hake ai 'a Tonga 'o fika 9 'I hono fakahokohoko 'o e ngaahi fonua 'akapulu 'i mamani (IRB ranking). Ko e tu'unga ma'olunga taha eni kuo a'u kiai 'a e maa'imoa 'Akapulu'I he hisitolia hotau ki'I Fonua. 'Ikai ngata ai ko e ola 'o 'etau va'inga mo Falanise kuo tohi ia he hisitolia 'o e world cup ko e "greatest upset" talu e kamata 'a e fe'auhi ni mei he 1987. – Tasi.

Talamonu atu ki he faiako, kau tokoni, fanau va'inga pea mo e kau 'ofisiale. Koeha ha ola 'e a'u kiai ho'omou feinga pea 'oku ou tui 'e tali fiemalie kotoa pe ia 'e hotau kakai, he 'oku 'iloa 'a e Tonga 'i mamani he me'a ko e loto lelei vave . . . poupou! Mo'oni fau e sipitau mei Amerika Samoa, 'Ko e sipoti ke fakahaa'i hotau anga'i tangata, ikuna pe ikuna'i tetau kei fiefia pe . . .', he kuo Vaofi e Vamama'o, pea Taha 'a e Ua. – Fotu Fisi'iahi.

'E fakafoki 'e 'Akilisi mo Sitiveni Halapua 'a e fatongia ki hono tanaki mai 'o e ngaahi fakamatala ki hono ngaue'aki 'e he NDC 'a e no mei Siaina, koe'uhi koe'uhi ko hono faka'ata 'e he Palemia ke 'oua 'e fakafo'ou 'a e aleapau ngaue 'a Kelley pea mo e kei hook atu 'a e Minisita Lao ko e 'Ateni Seniale. - Dr Fotu K.V. Fisi'iahi.

'Oku fakaloloma 'a e loto 'a e Kapineti ke 'oua 'e fakafo'ou e aleapau ngaue 'a Christopher Kelley. He 'ikai faingata'a, kapau 'oku tau loto'aki ke fakalelei'i kotoa kitautolu, pea tuku ke siofi kitautolu mei ha sino tau'ataina, 'a ia 'oku 'ikai fa'a e'a kitu'a 'i he ongoongo 'ene ngaue, ka 'oku matu'aki to'o mo tafi 'ene ngaue. Mou 'eke atu ki he ongo fonua kaunga'api – Nu'usila mo 'Aositelelia, pe 'oku fefe 'a e tokoni 'a e founga ko ia. - Witcliffe Taufa.

Ko e palopalema 'o e mofuike mo e Tsunami, 'oku 'ikai ha me'a ngaue te ne predict 'ene hoko, pea ko e fononga 'a e Tsunami 'oku fu'u vave faka'ulia. Hange ko ia ko e lave 'a e Talekita Va'a Vakai Matangi 'a Tonga, 'oku fu'u tu'u lavea ngofua 'aupito a Tonga ni. - Lopiseni Kavapalu.

'Oku ou kole fakamolemole atu pe ke mou kataki mu'a ketau 'uluaki 'analaiso'i 'a e tefito'i ngaue fakapule'anga mo e pule'anga mo e mahu'inga 'o e feohingaue kimu'a pea tau toki laku 'etau ngaahi fokotu'utu'u ke tapuni e kae fokotu'u e. 'I he anga 'etau feohi fakangaue 'oku fu'u mahu'inga 'aupito 'a e me'a tonu 'a e Talafekau Lahi Tonga ki Pilitania mo Iulope he ngaahi fakataha lalahi 'oku hoko he taimi katoa. - Katalin Baranyi.