'Etita,
'Oku ou loto fiefia ke fai atu ha ki'i talamonu ma'ae timi 'a e 'Ikale Tahi, ki he teu tau mo 'Ingilani 'i he Falaite. Fakatauange ke mou ma'u ha va'inga fiefia mo ikuna foki. Ko e ikuna, ko e fakatokilalo mo e fe'ofo'ofani 'o tali angi.
Kou 'ilo fakapapau ko e ngaahi me'a kotoa pe 'oku hoko 'i ho'o mou folau, te tau fiefia aipe hono kotoa. 'Oua te tau toe lau ha lea mei tu'a katau tuku 'a 'etau falalala mo e ngaahi poupou kotoa ki si'i fanau kuo nau fakafofonga'i hotau ki'i fonua ko e fo'i piliote.
'Oku 'oatu 'a e 'ofa mo e lotu ki he teu tau lahi 'oku 'amanaki ke mou fakahoko 'i he Falaite. Tatau aipe 'a e malohi mo e ulungia 'e kei fiefia pe Tonga ia ke hiki tue mo mavava he kuo tau kau he lau pea tau lau he kau.
'Ofa ke foaki atu 'ehe 'Eiki ha ivi lahi mo ha maama ke fakahoko 'aki homou va'inga 'i he Falaite.
'Ofa lahi atu ki homou fofonga/Kapiteni/Kau Faiako mo e toenga 'o e timi 'Ikale Tahi.
Tu'a 'ofa atu
Falamani Mafi
falamani [at] hotmail [dot] com
