Results for Temokalati

Ko e ongoongo fakaloloma eni kuo a’utaki kihe ngalu’ea mo e ngaahi kautaha faipulusi ongoongo, ‘a e kaniseli koia ‘e he Palemia ‘o e Pule’anga ‘a e Sipoti ‘a e Pasifiki.

Ko e kamata ko'eni 'a Tonga he hala-fononga 'o e faka-temokalati ange kuo tau hoko ai ko e fuofua fonua kuo ma'u 'e ha kau Fakafofonga Tau'ataina 'a e tokolahi ke fokotu'u ha Pula'anga. Pea 'oku fokotu'u atu heni ke tali 'e he kau Fakafofonga Tau'ataina 'a e faingamalie kuo foaki kia kinautolu 'e he kakai 'o e fonua. – 'Inoke Fotu Hu'akau.

Ko e makehe'anga 'o Tonga he Pasifiki mo e toenga 'o mamaní — ko hono Tu'i ne Pule Fakaleveleva ka na'e mo'ui kalusefai, pea ko 'ene visone ko e fakamaau totonu, vahevahe taau, pule 'a e lao, mo e fai ma'oni'onii ke tafe meia Sihova ki Tonga ko e Selusalema 'o e Pasifikí. – Tevita Vaikona mo Senituli Penitani.

Ko e liliu Temokalatí ‘oku ‘ikai ko ha liliu faka-politikale pē, ka ko e liliu ‘o e fa’unga ‘o e sōsaieti Tongá mo e ‘ulungaanga fakafonuá. Kuo pau ke ‘i ai e trade-off — ‘e ma’u mai e tafa’aki ko é, ka e mole atu e tafa’aki ko é. - Tevita Vaikona mo Senituli Penitani.

Kau taki temokalatii, kapau ko e taukave ena 'oku evidence-based, fēfē ke ‘alu fakataha pee ho’omou malanga’I e Temokalatii pea mo ho’omou malanga’i a Kalaisii. Ka liliu hotau fonuaa 'o lahiange 'enau muimui kia Sisu ‘i he muimui ki he Temokalatii, te tau a’usia e Temokalati fakamonu’iaa, pea ‘e ‘ikai toe ‘i ai ha 16/11. - Tevita Vaikona mo Senituli Penitani.

Ko e lau koia 'oku kei fakafelekeu holo ko e Pule 'a e Kakai, mou kataki kau Politiki 'o fakatatafe atu 'a e usu koia he na'e 'ikai ke mou fakakau ha 'elemeniti pehe (kakai) he founga pule na'a mo u fa'u. Ko e founga siokita na'a mou fokotu'u na'e fakataumu'a ke mou to ki Fale Alea 'o mou taki pea fa'iteliha ki ha toe liliu 'oku mou fiema'u ki hono falalele 'o e ngaue 'a e fonua. Ko e "kakai" ko e me'avainga pe ia ki ho'omou fiema'u. Pea fakatatafe atu mo e pehe ko e fili ha Nopele ke Palemia 'oku 'ikai ko e fili ia 'a e kakai, he ko e founga pule na'amou fa'u na'a mou faka'ataa ke fakakau 'a e kau Nopele ki he lakanga Palemia 'o e fonua. Ko e ha 'oku toe me'apaheke holo ai. – 'Inoke Fotu Hu'akau.

'Oku 'ikai ke fakapapau'i mai 'e he Fa'ahi Fakapolitikale ko e Temokalati (Democracy) 'oku ne lava 'o solova 'a e palopalema mo e to nounou kotoa 'a ha Fonua. Ko e fa'ahi Politikale Fakalangi pe 'i Hevani tene lava. Ko e tefito'i fakakaukau 'oku taukave'i 'e he Temokalati ia ko 'ene malava ke fakamalohi'i ha Pule'anga mo hono kau taki kuo fili ke nau ha'isia ki honau fatongia ki he kakai 'o e fonua.