17 ‘o Nōvema 2023, ONGOONGO TUKUATU
Kuo fakapapau’i faka’ofisiale ‘e he Pangikē Pule Fakafonua ‘o Tonga ́ pea fakahoko mo e ngāue ki he kautaha ‘oku ‘iloa ko e “Famili Tonga USA Trading” koe’uhi ko ‘enau fakahoko ta’elaiseni ‘a e ngaahi ngāue fakatupu pa’angaˊ (investment), ‘a ia ‘oku lau ia ko e ngāue fakapangikē. Ko e kautaha ko ‘eniˊ kuo fakapapau’i ‘oku nau fakahoko fatongia ‘ikai ma’u ha laiseni fakapangikē ’aia ‘oku ́ ne maumau’i ai ‘a e kupu 7 ‘o e Lao ki he Ngāue Fakapangikē 2020ˊ.
Kuo tu’utu’uni ‘e he Pangikē Puleˊ ki he kautahaˊ ni ke ta’ofi ‘a ‘enau fakahoko ‘a e ngaahi ngāue fakatupu pa’angaˊ pea ke totongi fakafoki kotoa ‘a e pa’anga ‘a e kau ‘Inivesi. ‘I he’ene peheeˊ, ‘oku fanongonongo atu ai ki he kau ‘Inivesitoa kotoa pē ‘oku te’ekiai ke ma’u ‘ene pa’anga na’e ‘inivesi ́ mei ́ he kautaha Fāmili Tonga USA Trading ‘i he’ene a’u mai ki he ‘aho 10 ‘o Nōvema 2023, ‘oku ‘atā ke fakahoko hangatonu mai ha’o lāunga ki he Pangikē Puleˊ. Ko e lāunga kotoa pē kuo pau ke ‘omai e fakamo’oni fakataha mo hono fakakakato ‘a e foomu “Declaration” ’aia teke lava ‘o ma’u ‘eni meiˊ he kānita talitali ‘a e Pangike Puleˊ pē ko e peesi ‘initanetiˊ.
‘Oku fie fakamamafa’i atu ai ‘a e fakatokanga mo e tapou mei ́ he Pangikē Pule ́ ki he kakai ‘o e fonua ́ ke faka’ehi’ehi mei ́ he kau atu ki he ngaahi ngāue fakapa’anga ‘oku ‘ikai ke fakalao ́ pe ‘ikai ma’u laiseni ‘o hangē ko e ‘inivesi pa’anga ke ma’u ai ha tupu ́. ‘Oku mahu’inga ‘aupito ki he Pangikē Pule ́ ke fakapapau’i ‘oku malu ‘a e tu’unga fakapa’anga ‘a e kakai ‘o e fonua ́ pea pukepuke mo e tu’unga faitotonu ́ ‘i he fa’unga fakapa’anga ́.
Ki ha ngaahi fiema’u tokoni, kātaki ‘o fetu’utaki mai ki he fakaīkiiki ‘oku hā atu ‘i laloˊ.
Ki hono fakaikiiki kātaki ‘o fakafetu’utaki ki he:
Tafa’aki ki he Ngaahi Kautaha Fakapa’angá
Pangikē Pule Fakafonua ‘o Tonga
Telefoni: (676) 24-057; Fax: (676) 24 201
Meili ‘Elekitolonika: tmoeaki [at] reservebank [dot] to
Peesi ‘Initaneti: www.reservebank.to
--
