Ongoongo mei he Kautaha 'Uhila 'a Tonga mo e Fakamalo - ki Hotau Kau Taki mo Hotau Kakai
Náe tali é he Poate áe Kautaha Úhila á Tonga í heénau Palani Pisinisi taú 3 mei he 2025/26-2027/28, ke holoki áe totongi úhila ki he kau maú úhila taautaha óku maúlalo é nau ngaueáki áe uhila. Koe seniti e 70 ki he kilouati í he houa ki he 2025/26, seniti é 65 ki he kilouati í he houa ki he 2026/27 pea seniti é 60 ki he kilouati í he houa ki he 2027/28. Koe totongi ko eni kuo ósi kamata ngaueáki ia mei he áho 1 ó Siulai 2025, ki he kau maú úhila taautaha kotoa pe óku áu ki he kilouati é 150 pe sií hifo ki he mahina. Áia é fakahoko áe totongi ko eni mei Siulai 2025 ki Sune 2028.
Kuo mau folau mai eni í he uike é ono, pea í he taimi ko eni, kuo pau ke fakahoko ai é mau fakamalo.
Óku óatu é mau fakamalo loto houngaía ki he Éiki Palemia ó Tonga moe Puleánga, í hoómou tataki taaimuá mo e tuútuúni lelei na’e fiemaú ai ke mau fakahoko ha holoki ki he faáhinga óku nau fiemaú tokoni vivili taha. Naáne kouna ai ki mautolu ke mau feinga ke mau toe lelei ange í he meá naá mau pehe óku mau malava pea óku mau fakamalo ai í he kelesi áe Éiki Mafimafi naá mau lava ai ke fakaa’u áe taumuá mo e ámanaki áe feituúna moe Puleánga.
Óku mau fakamalo ki he Éiki Minisita óe Ngaahi Pisinisi Lalahi áe Puleánga, ko hoó poupou moe fengaueáki va ofi mo kimautolu, ‘oku hoko koe fakalotolahi pea óku mau ámanaki lelei ki hano áusia áe ngaahi taumuá ngaue ‘o toe lahi mo lelei ange ma á hotau kakai.
Óku mau fakamalo ki he Pule Lahi óe Potungaue ki he Ngaahi Pisinisi Lalahi áe Puleánga mo hoó kau ngaue, óku mau fiefia í he fengaueáki fakataha óku fakahoko í hono tokanga’i kimautolu ke mau tali ui ki homau fatongia.
Óku mau fakamalo ki he Pule Lahi óe Kautaha Úhila á Tonga, kau pule moe kau ngaue, í hono fakahoko áe ngaue kafakafa ko eni. Óku toe lahi áe ngaue ke fakahoko, pea te mau tuú tafaáki mo kimoutolu ke tau fakahoko fakataha.
Koe fakaósi óe fakamalo, pea koe fakamalo mahuínga áupito. ‘Oku mau fakamalo ki hotau Kakai, ki hotau Kakai í he Puleanga Fakatuí ó Tonga. Óku mau laveí óku totonu ke mou maú áe úhila óku lelei mo falalaánga, pea óku mau tukupa te mau fakahoko á homau lelei taha ke aúsia áe taumuá koia.
Malo 'Aupito pea 'Ofa ke Tapuaki'i ki Moutolu 'e he 'Eiki Mafimafi Kautaha ‘Uhila 'a Tonga, ko Ho'o mou Kautaha.
--
