Pacific Islands challenged by increasing hardship

Na'a ku tupu hake 'i ha fanau 'e toko 8 fakataha mo 'eku ongo matu'a, 'o toko 10. Na'e 'ikai ke mau sio kimautolu he fiekaia, 'i ai pe mo e me'a ke mau vala, fale-tonga ke mau mohe ai, ngatu ke mau kafu mafana ai, pea lava pe mo hono ako'i katoa kimautolu. Ko hono 'uhinga he ko e 'ekonomika lelei taha ko e ki'i konga kelekele na'e ma'u 'e he'emau tamai, pea mo'ene loto lahi ke ngoue'i ke tauhi 'aki kimautolu. 'I he Tokonaki kotoape, na'e 'alu 'emau ongo matu'a ki tahi 'o fangota, taumata'u mo kumi 'a e kiki ki he Sapate, pea toe atu ai pe ki he lolotonga 'o e uike. Ko 'emau fa'e na'e to hiapo mo koka'anga he ta'u kotoa pe ha ngatu ke mau kafu mo fakatau ke ma'u ai ha seniti 'o kumi 'aki ha mau vala. Taimi 'e taha kuo ma'u ha seniti mei he fuaniu. 'I he ngaahi 'aho ni kuo uesia lahi 'a e kakai 'o Tonga 'i he fakafekiki faka-politikale 'a e kau taki 'o e fonua, pea kuo sio taha pe 'a e kakai ia ke ma'u ha pa'anga, kae ngalo 'aupito 'a e koloa ia 'a Tonga ko hono kelekele, pea mo e kiki 'e ma'u mei tahina. Ko hono 'uhinga ia 'oku palopalema, fiekaia 'a e famili toko lahi he kuo ngalo 'a e kelekele ia mo e mohu 'o tahi, kae nofo taha pe 'a e tokolahi ia 'o fakamisia 'a e pa'anga 'oku faka'ali'ali holo 'ehe kau taki 'oe pule'anga 'i he politikale, ngaahi feinga fili, manakoa etc. Kuo taimi ki he kau politikale ke tala 'a e totonu ki he kakai. 'Oku 'ikai ha tufa pa'anga noa'ia kapau 'e uini ha fakafofonga, minisita, pe koha nopele ki ha tu'unga ma'olunga. Ko e 'ekonomika lelei taha ko e fakafo'ituitui. Ngoue'i hoto ki'i konga kelekele ke tauhi 'aki family, to hiapo, fai koka'anga, 'alu ki tahi fangota pea he 'ikai ha family ia 'e fiekaia. 'Oku totonu ke fakatokanga'i 'e he World Bank ko e kau taki 'o e fanga ki'i 'otumotu Pasifiki 'oku nau fakatupu lahi taha 'a e ngaahi palopalema faka-sosiale, fiekaia etc 'Uhinga ko e fakafekiki fakapolitikale. SAIA