Volcano disrupts international and domestic flights

Neongo pe 'oku tau tokanga (worry ) ki he puhi ko'eni 'a Hunga Ha'apai, pea kuo kaniseli ai 'a e ngaahi fepuna'aki ko'eni, ka tau vakai ange mu'a ki he hisitolia, talatupu'a, pea mo e ngaahi fananga 'etau fanga kui. Ko 'eku kui mei Koulo, pea na'e malii ange ia ki Vava'u. Na'aku manako ma'u pe ke u 'alu 'o mohe mo 'eku kui koe'uhi ko 'ene fa'a fananga malie kau ki Ha'apai. Na'ane fa'a fananga 'o kau kiha ongo 'Otua taulatevolo, ko e taha 'oku nofo 'i Hunga Ha'apai, pea taha 'oku nofo 'I Hunga Vava'u. Ko e ongo 'Otua 'ofa 'aupito 'eni 'i he kakai. Ka ko e taimi pe 'oku na fiefia ai pea 'oku na puhi leva hange ko e me'a ko'eni 'oku hoko 'i Hunga Ha'apai. Ka ai ha me'a lelei 'e fai 'ehe kakai 'o Vava'u, pea puhi leva 'a Hunga Vava'u, pea ka 'i ai ha me'a lelei 'e fai 'ehe kakai Ha'apai, pea 'oku puhi leva 'a Hunga Ha'apa, ko e faka'ilonga 'o e fiefia. Tau vakai ange pe na'e 'i ai ha taha mei Ha'apai na'ane fai ha ngaue lelei mo ma'ongo'onga ki he pule'anga Tonga 'i he ngaahi mahina si'i kuo toki hili ange 'oku fiefia ai 'a e 'Otua 'o Hunga Ha'apai. Koia ia pe ki'i fananga ..... SAIA

Ko e tali ki ai SAIA ko e puhi ko'eni ko e 'ikai ko ha fiefia ka ko 'ena malie'ia 'i hono fokotu'u 'a e Ha'apai mei he kauvai Ha'ano ke hoko ko e fuofua Palemia 'o Tonga mei he Kakai - hili ia 'i hono faka'ai'ai 'e he fakafofonga 'o e kakai mei Ha'apai ke Palemia 'a e fakafofonga ia mei Vava'u pea fehaalaaki, pea ko'eni kuo mahino mai 'e 'i he Kapineti 'a Tongatapu, Vava'u, 'Eua pea na'a mo Niua kuo kau mo kinautolu ia he lau, kae toe mahaia ai pe si'i Ha'apai he to'u Kapineti ko'eni. Ko e kata lahi mo'oni 'a e ongo me'a ni he koena 'e 'osi hake la lalofonua ki 'olunga.

Sefita Hao'uli
Kaivai Takamuli mei Ha'apai