Results for Opinion

'Oku 'ikai ko ha mate ia na'e pau ke hoko 'e Mosese, ka ko e mate ko ia ko e ola ia 'o e ta'e fkpotopoto mo e ta'e maa'usia 'i he fkkaukau 'a e me'a totonu mo lelei pea tuha mo taau ke fai. Kimu'a ke te fkhoko ha fkkaukau, 'oku totonu ma'u pe ke te 'uluaki vakai'i pe koeha e ola 'e ma'u ai (consequences) 'e lelei pe kovi; 'e mole ai ha mo'ui pe 'ikai, 'e tu'utamaki ai e fonua pe 'ikai, etc etc etc. - Joe Naulilo

Pea fakatapu atu ki he ngaahi tu'unga kotoa 'oku totonu mo fa'a fakatapua 'i he ha'ofanga kae 'ata mo'oku e faingamalieni ke fai atu ha fietokoni fiematamu'a mei he fu'u maka ko Tutu'ila 'o e tu'i Manu'a. - Lousiale Kava

Ko e taimi 'e ni'ihi, na'a mau hanga 'o ta'aki e paipa fakahoko vai ki he ngoue mo e 'a puka ka mau va'inga mo kaukau he vai 'oku ha'u mei he sima kuo 'osi fonu hake. 'Oku faka'amua 'e Tonga ko e me'a na'e hoko 'i Nuku'alofa koha sima vai pe sisii hange ko ho'o lau ke kaukau mo va'inga fiefia ai pe fanau 'a e kakai 'o e kolo tapu mo hou'eiki. - Sione Lousiale Kava

‘Oku fakaha mai pe ‘e he tangata ‘a e lahi ‘o e ki’i ‘atakai ‘oku kiokio holo ai, pea ‘oku ‘ikai ha ofo ai he ko ho’o vakai ‘oku ‘ikai to e lava ke mafao atu ‘o maile ‘e taha. Ko e lave kuo ke fai Mosese ‘oku ke fakae’a mai ai ‘a e masiva faufaua ho’o mo’ui lo-tolu. ‘Oku ho’ata mai mei ai ‘a e ngaahi fakatataa ‘oku ke hange ai ha vaka ta’e ‘alo mu’a. ‘Oku mau lotu atu ma’au pea mo e kau fakafofonga ‘o e kakai ke foaki mai ‘e he ‘Otua ha maama ki homou loto mo ho’omou ‘atamai mo e mo’ui koe’uhi ka e lava ke mafao atu ho’o mou vakai ki he mo’ui homou kaunga’api pea ta’ofi faka’aufuli ‘a e to’onga fulikivanu kuo mou fai. - Talanoa Tuifua

'Oku mahino nae 'i ai e mate pea kuou fie fk'apa'apa lahi 'aupito ki he si'i kau pekia. Ka na'e mahalo na'a nau 'i he feitu'u hala he taimi hala, pe 'ikai Popoahi? Ko e me'a na'e hoko ia 'e Popoahi, na'e pau pe ia ke hoko. Te u atu pe kii fktaataa koeni Popoahi, ka faiange 'o 'uha lahi pea fonu e sima? ko e me'a pe 'e ua 'e hokoo, ko e paa 'a e sima vai pe ko e siisii mai e vai ki tu'a. Pea ko e mea ia na'e hoko he aho 16 o Nov, na'e ikai ke paa ka na'e siisii o lave tukia sii kau pekia. - Mosese Fineanganofo

Kou kole atu ki he Tonga kotoa 'oku ke fai ha tohi ke 'oua mu'a temou ngaue 'aki 'a e lea pea mou pehe oku mou lotua 'a Tonga mo e kakai. Pea 'i he taimi tatau pe 'oku mou talatuki pe lea fehi'a tautau tefito ki ho'o mou lea 'aki 'a e lea ke tautau 'a e kakai na'a nau fai e ngaahi hia. He ko e 'uhi 'oku kata'i atu 'e he kau muli 'a e ngaahi tohi pehe 'oku mou fai. Tala koe fonua lotu 'a Tonga kae 'osi ange koia kuo mou lea pehe. - ‘Atulouaki Lasitani

'Oku ou sio loto atu au ki ha me'a ne mei hoko kia ko e Mosese kapau na'ake 'a'ahi ki ha me'a faka'eiki 'oha taha 'o e kau pekia he vela pea ko ho'o kupu'i malanga 'oku pe he, "...sai pe he ko e ngaahi fu'u va'a papa ne mole, he 'e toe lava pe 'o fa'u.". 'Oku pe he koeha ha tali atu 'a e kau pisinisi kuo 'auha 'enau koloa pea mo e kakai kuo mole 'e nau ngaue mo e ma'u'anga mo'ui honau famili kapau 'e li atu ho'o fo'i fakasi'isi'i me'a kia kinautolu? - Sione Lousiale Kava

Na'aku faka'amu pe na'e lava ke ke 'omai ha ngaahi fakataataa mahino 'a e ngaahi me'a na'e lava 'e 'Akilisi Pohiva, 'o hange ko ho'o tohi, ke fai ha sio kiai. Kiate au, 'oku mo'oni ho'o tohi, ko e me'a 'oku ou 'ilo ne lava 'e 'Akilisi 'o fai, ko e lea ta'e ufi ki he kau taki e fonua, 'i he ngaahi me'a 'oku 'ikai tatau mo 'ene tui, pea hikihiki to ai 'e ne founga fakafalealea pea a'u ki he ngaahi 'aho ni kuo hilio 'ene lea ta'efaka'apa'apa mo 'ene ta'etoka'i mai ha taha, 'o a'u ai pe eni ki he tu'unga koia 'oku 'i ai 'a Tonga he ngaahi 'aho ni. - Janine Popoahi

'Oku ou kole ke u hufanga atu 'i he fakatapu kae 'ataa mu'a ke u kau atu 'i he faakafoa 'i he 'ulungaanga fulikivanu kuo e'a mei hotau ki'i fonua 'ofa'anga ko Tonga. 'Oku ou tui 'oku tau ongo'i tatau pe 'i he 'etau vakai ki he kolohau e 'Otu Felenite kuo 'auha 'i he ngaue 'a ha ki'i tokosi'i ta'e'ofa, ta'elotu, ta'efaitotonu, ta'e naa, laulanu, ta'efaka'atu'i. - S. Tulivai