Law Society Disciplinary Committee, no response from Sifa Tu'utafaiva

Na'e pa ha fo'i paipa vai 'i hoku lalo falenofo'anga peau ta kihe kautaha (Insurance Company) 'o fakaha kiai. Na'e ha'u 'a e kautaha malu'i 'o sivi 'a e fo'i paipa na'e maumau pea nau talamai he 'ikai tenau ngaohi 'enautolu ia he 'oku fu'u motu'a 'a e fo'i pamu ia. Na'aku hanga leva 'o hae 'a e faliki hoku fale, mo e 'ita, pea fakapamu fo'ou, 'alu mo e 'esitimeti e fakamole, faitaa'i me'a kotoape, peau 'alu 'o launga kiha loea. Na'e mata fiefia mai 'a e loea 'i he'ema talanoa, pea ne talamai, Saia, ko e taha 'ena ia ha fo'i launga lelei. 'E totongi 'e he kautaha malu'i ia ho'o ngaahi fakamole kotoape, pea 'e toe totongi atu ha pa'anga huhu'i kiate koe. Na'e to atu 'eku fiefia peau hanga 'o totongi 'a e loea $12,000. Ko e kamata'anga 'eni 'eku vakovi pea mo 'eku loea, he ta na'e 'osi 'ilo pe 'ehe loea ia 'oku mo'oni pe 'a e kautaha malu'i (insure) ia, ko e 'ai pe 'eni ia 'e he loea ke ma'u ha'ane pa'anga. Kuo laka hake 'i he ta'u 'e nima 'eku tukufetuli holo pea mo e loea ni. Ko e me'a pe 'oku ou 'ilo, 'oku lahi pe 'a e fu'u kakai maama ia 'i he fonua ni 'oku nau poupou'i pe 'enautolu 'a e loea ni, neongo 'ene kaiha'a ko'eni meiate au. 'I he taimi lahi 'oku faingata'a ke tau faitotonu, pe lea totonu koe'uhi ko e fatongia 'oku tau ma'u. SAIA.