Chinese entrepreneurs visit Tonga

'I he taimi lahi 'i he hulutu'a 'etau fiema'u pa'anga pea 'oku tau kui leva 'o 'ikai te tau 'ilo 'etau me'a 'oku faii. Ko 'etau hanga 'o fakatau atu hotau fonua. 'I he ngaahi uike si'i kuo toki hili ange na'a tau sio ai ki he'etau 'ekonomika fakalotofonua, fk'ali'ali ngoue, 'a e faka'ofo'ofa 'o e fua 'o e fonua mo e ngaue fakamea'a 'a e kakai. 'E lava ke mo'ui fiefia heni 'a e kakai 'o Tonga mo kei tauhi aipe 'a e ma'uma'uluta, melino mo e malu'i hotau fonua meihe mole ki he ngaahi fonua muli. Ko e 'oho mai ko'eni 'a e kau pisinisi Siaina ke nau ngaue'aki hotau tu'utamaki fakapa'anga, pea mo 'etau ngaahi koloa fakaenatula ki he'enau lelei faka'ekinautolu pe, 'a ia te tau toki fakame'apango'ia ai 'amui ange. 'Oku lolotonga fika 'uluaki 'a e tangata pilionea koia ko Donald Trump 'i he fe'auhi ki he fili palesiteni 'a 'Amelika, koe'uhi ko e taha 'ene ngaahi fokotu'utu'u ke fakafoki mai 'a e ngaahi pisinisi 'Amelika lahi, mo e ngaahi ngaue lahi (jobs) 'e laui miliona 'i 'Amelika kuo kaiha'asi 'e Siaina 'i he ngaahi ta'u lahi kuo hili ange. Ko e me'a tatau 'eni 'oku fai 'e Siaina ki Tonga, ka ko hono pango koeha hotau ivi ke tau toe fakafoki (reverse) 'a e me'a ni hange ko 'Amelika. 'I he ngaahi fonua Kalisitiane lahi, 'oku nau faka'ehi'ehi 'aupito meihe ngaue fakataha mo e ngaahi fonua hange ko Lusia, Siaina, Iran etc he 'oku 'ikai koha ngaahi fonua fakakaume'a lelei 'eni. 'Oku lolotonga laka fakahahaa atu 'a e kakai 'o e 'otu Filipaine koe'uhi ko e feinga ke to'o fakamalohi 'e Siaina 'a e ngaah 'otu motu 'o Filipaine 'oku tu'u 'i he vaha'a 'o Filipaine mo Siaina. 'Oku lolotonga fakafekiki mo Siapani he motu hona vaha'a. 'Oku lolotonga feinga 'a e fonua hauni, ke 'i ai hano tu'unga 'i he tahi pasifiki 'o tatau aipe pe koeha hano founga. Mahalo pe ko Tonga 'a e fonua faingofua taha. Mahalo pe teke pehee 'oku hala 'eku lauu, ka 'oku lolotonga mo'oni ia he taimini (they have no smiling faces)......SAIA