Lisiate's budget proposals waylaid

'Ko e 'oho (ambush) takai holo ko'eni 'e he Minisita Lao 'a e Falealea, 'oku hange ia ko e patiseti, kuo pau ke paasi mai ia meihe Kapineti mei 'olunga, pea toki 'ohifo pe ke sio kiai 'a e Falealea ta'e fai 'a hono alea'i 'e taha (Whole House Committee). Ko e palopalema 'eni na'e hoko kimu'a 'i he liliu faka-politikale, ko e 'alu faka-holomui 'a e pule'anga, 'o 'uluaki fakapale'i 'a e 'ikuna (winner) ia kimu'a 'oku te'eki ke kamata 'a e lova. 'Oku totonu ke mahino ki he Minisita Lao ko e lao ma'olunga taha 'i he mamani ko'eni, ko e 'konisenisi mo'ui ' 'o e tangata, 'o 'ikai ko e 'iron hand' .'Oku 'ikai temau 'ilo pe koeha ha palopalema kapau 'e 'uluaki alea'i 'a e fokotu'utu'u patiseti 'a 'Akolo 'ehe 'Whole House Committe', pea toki 'oatu ki he ongo Fale ki 'olunga ke nau feme'a'aki kiai pe tenau sai'ia ai pe 'ikai (respect). Ka ai ha ma'umafai 'oku ne ngaue'aki 'a e lao ta'e kau ai 'a e konisenisi mo'ui 'a e 'Otua, pea ko 'ene lao leva 'e faka-'otua mate pe. 'Oku mau tui ko hono ta'ofi kiki ko'eni 'e he Minisita Lao 'a e 'proposal' 'a 'Akolo he 'oku 'i ai 'a e ngaahi me'a mahu'inga ai 'oku 'ikai loto 'a e pule'anga ke 'ilo ki ai 'a e kakai 'o kapau 'e ale'i 'i he Falealea. He 'ikai loi 'a e lau ia 'a e Tohitapu, ka 'utu ha uaine fo'ou 'i ha hina leta motu'a, ko hono ola 'e maiki 'a e hina leta motu'a 'o toe 'osi pe 'a e uaine faka'ofo'ofa ia ki tu'a....SAIA