Tonga's loan from China to be discussed during economic forum

Lolotonga 'oku 'ikai 'ilo pe 'e lava 'o totongo fakafoki 'a e mou'a $119 miliona ki Siaina, kuo toe fokotu'utu'u 'eni 'e he Pule'anga ha toe no mei Siaina. Ko hono mo'oni 'oku 'ikai te mau 'ilo ki he ngaahi palani 'a e Pule'anga, ka 'i he'emau vakai atu mei muli ni, 'oku fu'u fakavalevale ke toutou no pe 'a Tonga mei Siaina kae totongi fakafoki, kaehili koia 'oku foaki 'e NZ, Australia, Japan etc 'a e pa'anga 'e laui miliona ke tokoni'i 'a e masiva 'o Tonga, ta'e totongi fakafoki ha peni 'uli'uli. 'Oku mo'ua 'a 'Amelika ki Siaina meimei tola 'e 17 tuliliona. Pea 'oku fakafuofuo kiha to'u tangata 'e 3 pe 4 ke totongi fakafoki ai 'a e mo'ua koia 'o kapau 'e hoko. He 'ikai faifai ange pea hanga 'e Siaina ia 'iha fa'ahinga founga, fakamalohi, fakakautau, fakapa'anga, fakatipilometiki, UN etc 'o fakamalohi'i 'a 'Amelika ke totongi fakafoki ange 'a e mo'ua ko'eni 'iha founga 'e ta'e fakafiemalie ki 'Amelika. Ko e 'uhinga, he 'oku kei 'super power' pe 'a 'Amelika ia 'i mamani. 'Oku feinga 'a Siaina ke nau 'super power' 'i he Tahi Pasifiki. 'Oku nau ngaue'aki honau poto/pa'anga ke puke mai 'aki 'a e fanga ki'i motu 'oku nau masiva 'ilo. Ko Siaina 'oku pule'i fakakominiusi, 'iloa 'i he 'abuse' totonu 'a e tangata, pea meimei katoa 'o e fonua, 'oku 'ikai lotu faka-Kalisitiane. SAIA