'Ikale Tahi versus Flying Fijians, a heart breaker

Tuku a ‘a e loto mamahi - Soa Finau:
Ne tau sio kotoa pe he tau ne fakahoko ‘a e ‘osikiavelenga ‘a e kau va’inga mo e komiti lolotonga hono fakahoko ‘o e fatongia, pea ‘I he ola ‘o e ongo va’inga ‘oku ha mahino mai ai ha kihi’i me’a e lava ke fakalelei’i’aki ai ‘etau timi ‘Ikale Tahi. Pea ‘oku tau polepole he va’inga fakaholomamata ne fakahoko ‘e he fanau va’inga. ka ko e pango ne tau mei pehe ni kuo malolo atu ‘a e tangata’eiki loto kovi ko’eni mei Kona, Hawaii hono fakaanga’i ‘a e ‘akapulu pea fielau he ‘ikai ke ‘I ai ha teitei tatau ‘o e va’inga ‘akapulu ‘oku ui ko e soka pea mo e ‘akapulu Union.

Fakaoli ‘a e ki’i motu’a ni mo ‘ene fakamala’ia ke fakatatau’aki ‘a e si’i faifatongia ‘a e ‘etau fanau va’inga.

‘Aisea Tu’ikolovatu ki’i longo hifo keke ngali poto pea ‘ai e fakaanga ke fakatatau mo e me’a ‘oku ke lava kae ‘oua teke mamahi he ‘ikai ke tali ‘e he komiti ‘a Tonga ke ha’u ‘a e Timi ‘Ikale Tahi ‘o tau tesi ‘i Hawaii na. Ke nau va’inga mo hai? pea ko e taha ‘oku nau manavasi’i na’a nau va’inga kae tau ha me’alele ‘ia kinautolu he va’inga he paaka.

Sio e kakai ne nau ‘akapulu mo nau lolotonga va’inga ‘akapulu ‘o nau fiefia he va’inga ‘a e fanau ‘Ikale Tahi mo hounga kiate kinautolu ‘a e va’inga ne fai kake ‘oho hake mo ho’o ki’i fakaanga mo e lau fakamala’ia he ko hai koe?

Tokanga ko e ki ho’o ngaue na’a mole ho taimi he fakaanga kae to ha fo’i maka ho va’e ‘o la’ikeke.

‘Oatu ‘a e popoaki talamonu kihe timi ‘Ikale Tahi kihe kapiteni, fanau va’inga kae ‘uma’a ‘a e kau faiako kihe teuteu va’inga ‘oku ‘amanaki ke fakahoko. Ko e anga ia ‘o e sipoti ‘oku ‘I ai ‘a e ulungia pea ‘oku toe ‘iai mo e ikuna ka ko e pango pe ko e oma ange ‘a e lele ‘a e mu’angutu fakaanga ‘o hange ko e fo’i siana Nautoka Soka ko’eni ‘o lakaange ia ‘I he me’a ‘oku ne lava. - Soa Finau