'Etitia,
'Oku 'I ai 'a e faka'apa'apa lahi atu ki he Mafi 'o Amerika Samoa mo 'eku malie'ia 'i he kaveinga 'oku ne lave ki ai. Pea 'oku mo'oni 'aupito 'a e hala ha to'a e fie tuku hifo hono ngeia, kae lotoma'ulalo 'one tali fietangata mo ngali kalisitiane 'a e ngaahi palopalema ne mei ala solova kimu'a pea hoko 'a e fakatamaki ko'eni. Ki he tu'u kimu'a mo e tu'u ki mui hono ne nau kaunga faka'ata ke faifatongia 'a e Pilinisesi Ashika 'i hotau ki'i fonua, mou 'ofa a 'o fakatomala pea he 'ikai ke lava ha taha 'o to'o 'a e ongo'i halaia mo e lotomo'ua mei homou konisenisi takitaha, Ka ko ha'o toka'i 'a e si'i ngaahi fa'e,tamai,tokoua,tuofefine,kui pehe ki he si'i ngaahi fanau kuo mole 'enau mo'ui tupunga mei hono ngaue hala'i'aki 'o e malohi fakafatongia 'oku mou ma'u.
Ko Bill Johnson pe taha 'oku 'I ai hono konisenisi mo'ui kene admit ne 'I ai 'ene tonounou 'i he 'ene tafa'aki neongo kuo ne ma'u vahenga malolo mei hono lakanga ko e Talekita. Pea 'oku poupou atu 'a e ki'i motu'a ni kia Samiu Sika ki hono fili ha kakai poto mo 'ofa he kapau ko e kakai poto ne fili ki hono siofi 'o Ashika he 'ikai ke 'I ai ha fakatamaki. Pehe ke 'I ai ha konisenisi mo'ui kene tali'aki 'a e toka'i mo e 'ofa 'I he ngaahi nunu'a e hoko mai 'amui. Ka ko e 'ikai ke tomu'a fakahekeheka 'a e 'eikivaka ia hono ki'i vaka 'o mo'ui kae si'i mole ngaahi mo'ui ia 'a e toenga.
Ki he 'eikivaka pehe ki he kau fili vaka, ko 'ete ma'u 'a e poto ki ha fa'ahinga fatongia 'e fuoloa atu tete ma'u ai 'ae taukei pe 'I he taukei 'e 'I ai 'a e fa'ahinga ongo'i fakakonisenisi 'oku ui fakapapalangi ko e common sense, Ka ko e pango ko e tu'u pe fo'i 'atamai ia 'I he $ kuo lele leva 'a e fakakaukau ia 'o tali mai mei mu'a 'o 'ikai ke tokanga ki ha me'a 'e taha ka ko e siokita mo e hikisia he hoko leva ki ai 'o 'alu atu 'o fehalaaki 'a e ngaahi fo'i fakakaukau manumanu 'oku 'I ai pea koeha me'a 'e hoko ki ai? Ko 'ete feinga ke hola mei ai 'o kumi ha'ate mo'ui pe 'a kita 'o 'ikai toe fai ha tokanga ki he toenga. Ko e me'a totonu ia ne tu'u 'I he 'atamai 'o e kau ma'u mafai ko'eni. Siokita kuo lahi.
Fu'u fiema'u ke tau fakatonutonu 'etau laka mo fai ha fakatomala kei taimi he 'oku lele hake 'a e ilifia tevolo he ho'ata malie ko'eni koe'uhi ko e fu'u teuteu liliu ta'etaumu'a 'oku teu ke fakahoko. Kau fakafofonga feinga liliu 'oku totonu ke mou fakamo'oni hingoa 'I he 'aho liliu ka 'alu atu 'o fehalaaki pea 'oku mou loto fiemalie ke mou ngaue popula hono taki hala'i 'a e kaha'u 'o e fonua.
Ko ia Tonga mo'oni lau 'a 'Emosi 'Alatini kuo mama'o atu. Fiema'u ke mou sio 3 mai 'aki 'a fakakaukau, laumalie moe loto foki. Tu'u 'ihe taimi ni 'oku sio taha pe kau fakafofonga 'aki 'ae fakakaukau pe, loto ia 'oku tuku atu ia 'ihe pangike Tonga moe pa'anga tenau ma'u 'ihe me'a ni.
Tu'a 'ofa 'eiki atu.
Lou 'Uhila
San Diego-California, USA
