'Akilisi Pohiva receives Defender of Democracy Award

'Oku 'ikai ha toe me'a si'i, 'oku 'ikai ha toe me'a lahi, ke u polepole ai, ka ko hono fakatokanga'i mei mamani lahi (PGA) ha tokotaha Tonga, 'Akilisi Pohiva, 'o foaki ki ai 'a e pale ma'olunga taha 'o 'enau polokalama (DOD Award), koe'uhi ko 'ene taukave'i 'a e 'Democracy', totonu 'a e tangata, tauhi 'a e lao etc. 'Oku mau nofo 'aunofo 'i he fonua hau ko'eni (USA), ka 'oku mau kai mo inu 'a hono ngaahi lelei kotoape, lave ai pea mo Tonga, koe'uhi he 'oku 'ikai ke laulanu'i kimautolu 'i he fonua ni, ke nau lau kimautolu ko e muli, pe ko e kehe, koe'uhi ko 'enau tui ki he tokateline 'o e 'democracy'. Ko Dr King na'e fakapoongi ia 'i 'Amelika 'i he funga 'o 'ene taukave'i 'a e totonu 'a e tangata (democracy). Ko Mandela 'o 'Afilika na'e fakahu pilisone ia 'i he ngaahi ta'u lahi koe'uhi ko 'ene taukave'i 'a e 'democracy'. 'I he ngaahi 'ahoni 'i 'USA/South Africa', pea mo e ngaahi fonua lahi 'o mamani 'oku fakalele honau pule'anga 'i he malumalu 'o e tokateline faka-'Otua 'o e 'democracy'. Koe'uhi ko e ongo kihe loto 'o e kakai 'o USA/South Africa 'a e ngaue ma'ongo'onga na'e fai 'e Dr King/Mandela kiate kinautolu pea mo 'enau fanau, pea 'oku nau hanga 'o langa ha ngaahi maka fakamanatu, fakahingoa ngaahi hala, mo e ngaahi feitu'u fakahisitolia ke fakamanatu 'aki 'a e hingoa 'o e ongo helo ni. Fefe ke langa 'e he Pule'anga Tonga ha makafakamanatu 'o 'Akilisi Pohiva 'i he ve'e Falealea, pea fakahingoa ha taha 'o e ngaaahi hala 'o Nuku'alofa ko 'Akilisi Pohiva Road, ko e 'Champion of Democracy' 'i he 'Otu Felenite. He ko e kamata'anga ('alifa), pea mo e ngata'anga ('omeka) pe 'eni ha toe taha mei Tonga 'e toe fakatokanga'i mei mamani lahi 'i hono malu'i 'o e 'democracy', pea mo e totonu 'a e tangata. SAIA