'Etita,
Ko e talanoa malie 'a e Tama Foa' 'o felave'i mo e 'ikai 'ilo 'o e fiema'u (need) mo e manako, sai'ia' (want) 'oku ki'i lahilahi 'a e fokotu'u me'a ka 'i he taimi tatau pe 'oku havala holo e pule'anga he kumi ha pa'anga ke fakatoli'a 'aki e holi'. Ko e fu'u fo'i palopalema fakalukufua he 'oku hange ha mahaki faka-Tonga' 'a e sio pe ki he nounou kae feinga pe ke kumi e me'a 'e fai ai e masiva'. 'Oku 'asi lahi eni 'i he ngaahi fungavaka lotu 'a e sio atu pe ki he pikoua 'a e kainga' kae fokotu'utu'u atu pe kavenga, malie!
Ko e ngaahi vahenga 'o e kau fakafofonga he ngaai fonua muli' mo e totongi 'o e ngaahi 'ofisi' 'oku fu'u mamafa faufaua, ka 'i he taimi tatau pe 'oku 'ikai ha fakamatala mai koeha koa' 'a e fakamole pea ko e pa'anga mei fe 'oku fakalele 'aki e ngaahi va'a ko'eni'. 'Oku ou tui 'e malava pe ke ngaue pe ha taha mei Tonga pe fefolau'aki 'i he taimi fiema'u kae 'oua 'e nofo fakatu'i pe kau ngaue ko'eni' ko e fakafofonga fakapule'anga kae hili koia' 'oku totolo holo e fonua ke kumi ha feitu'u ke kole pa'anga mei ai.
Siosiua Moimoiangaha
Joshua [dot] Nehasi [at] AlaskaAir [dot] com
