Three youths imprisoned for student mob attack

'I he'eku lave'i, ko e taha 'eni ha tautea mamafa mo'oni 'o fakatatau ki he ngaahi faihia 'a e fanau 'i 'Amelika ni. 'Oku hange 'eni ia ha tautea 'o e kakai lalahi 'oku nau matu'otu'a mo faihia ma'upe. 'Oku vahe'i 'ehe lao 'a e faihia 'a e fanau 'o fakakaukau'i mavahe ia meihe faihia 'a e kakai lalahi kuo nau 'osi matu'otu'a mo fakakaukau lelei, kae kei faihia pe. 'Oku a'u ki he ngaahi hae pangike 'a e fanau heni, 'oku 'ikai fu'u a'u fau 'a e tautea ia 'o hange ko e tautea ko'eni. 'Oku tautea pe 'a e fanau ia 'o hange pe ko e faihia 'a e fanau, 'o 'ikai ko e faihia 'a e kakai lalahi. Pea kapau 'oku 'i ai ha fanau kuo nau 'osi ta'u 18, ka 'oku nau kei ako. Kapau 'oku pehe 'e he fakamaau 'e ma'u ha lelei 'a e 'community' pe ko e tamasi'i ako ko'eni he ngaahi fu'u ngaue popula ta'u lahi ko'eni, 'oku 'ikai te u tui kiai. Manatu'i na'e 'i ai 'a e 'motive' 'o e hia ko'eni, na'e kau aipe mo e faha'i 'e taha hono fakatupu. Fakamolemole pe kau tangata meihe Kolisi Tonga kau tuku atu 'a e ki'i fo'i keisi ko'eni na'a 'aonga ki he tautea 'etau fanau meihe fakamaau'anga. Na'e 'i ai 'a e keisi hae-fale 'a e Potungaue Polisi Tonga 'i he taimi na'aku kei ngaue ai. Ko e fo'i hae-fale mahalo na'e laka hake he 12, pea na'e taketi'i pe fale 'o e kau papalangi 'i he uike 'eni. Na'e faifai pea ma'u 'a e keisi ko'eni 'aki 'a e 'fingerprint forensic'. Ta ne faingata'a 'a e keisi ni he ko hono 'uhinga ko e tamaiki ako, na'a nau toki tutuku mai pe he Falaite mei 'api ako 'o fai 'a e hia ko'eni, pea nau foki ki 'api-ako he lolotonga 'a e uike 'o ako. Na'e faka'ilo kotoa 'a e fanau ako ko'eni ki he fo'i hae-fale mahalo na'e laka hake 12, pea 'a'au mai mo e koloa 'a e kau papalangi mei honau ki'i fale. Na'e tali halaia kotoa 'a e fanau ki he ngaahi hia ni. 'Oku ou tokanga ki he tautea 'a e fakamaaulahi 'o e taimi koia. Ke nau foki ki he ako lolotonga 'a e uike, pea nau foki ki 'api polisi 'o ngaue ma'ae 'community' 'i he uike 'eni. Ke tukuange ha faingamalie 'o e fanau. Na'aku toki fetaulaki mo e tokotaha 'o e kau tangatani 'i 'Amelika ni, pea ne talamai. Talu pe tautea faka'atu'i 'a e fakamaau, peau mafuli aipe 'o setuata, kuo laka hake he ta'u 20......SAIA.