South Pacific Tourism Council meets in Nuku’alofa

'Oku ou kau 'i hono poupou'i lahi 'a e folau'eve'eva ki Tonga, pea 'oku tau fakamalo ki he 'Eiki Palemia 'i he ngaahi fakataha hange ko'eni ke feinga ke hakeaki'i 'a e polokalama ni. Ka koe 'alu 'eni ia ke u vaivai au mo e kei lau pe 'a e langa 'o e folau'eve'eva 'i Tonga, te'eki pe ke fai ha me'a ia 'e taha. Te u fakatata 'aki pe 'a Vava'u Lahi. 'Oku faka'ofo'ofa fakaenatula, mo hono 'ea ke manakoa 'e he kau folau'eve'eva. Talu e mei'ane fe 'oku te'eki pe ke ue'i ha me'a ia 'e taha ke ngali 'oku feinga 'a Tonga ke langa hake folau'eve'eva. Ko e ngaahi me'a lalahi 'eni 'oku fiema'u ke langa hake folau'ev'eva 'i Vava'u. 'Uluaki ko e transport. Ha ki'i mala'e vakapuna 'oku ki'i fafalahi ange ke puna atu ha vakapuna 'oku ki'i lahilahi ange ke lava 'o manava lelei 'a e fu'u kakai ma'upa'anga koia 'oku nau 'a'ahi ki Vava'u. Ka 'oku 'ikai ko e fakafihia atu fakafihia mai he fanga ki'i vakapunna ngahaha holo ko'ena. Ko hono ua ko e nofo'anga. 'Oku fiema'u nofo'anga hotele etc ke lelei mo taau ke tali 'aki 'a e kakai 'oku nau omai 'o fiefakamole 'enau pa'anga. 'Oku 'iai kakai vaivai milionea 'oku nau fiema'u 'air condition' etc. Na'aku 'a'ahi tu'o 3 atu ki Tonga 1992, 2005 mo e 2007 'o nofo he Hotele Palataisi, ko e 'ai ai 'ene mamafa mo e ta'efakafiemalie 'a e loki. Ko e efu ia he tu'a 'aisi ne te'eki ue'i ia he ta'u hongofulu. Kapau koau 'eni tu'utamaki he 'ikai te u toe fienofo au he Palataisi, huanoa 'a e kakai 'oku ma'u 'enau pa'anga. Ko hono tolu ko e hala pule'anga. Kou fakaongoongo pe au ha homo va'e 'o e ki'i me'alele hoku tokoua na'e ha'u 'o piki au mei mala'evakapuna he luoluo 'a e hala pule'anga. Ko 'ene hifo mo hake tu'otaha pe ha fine'eiki tourist he hala 'o Vava'u ko 'ene say goodbye ia he 'ikai toe fie sio ia 'i Vava'u. Ko hono fa koe me'akai. 'Oku 'ikai kai lusipi 'a e kau folau'eve'eva. 'Oku nau fiekai 'i he ngaahi me'akai 'oku ngaohi mo fakaofiofi ki he'enau ngaahi me'akai maheni. Na'e talamai 'e he fine'eki taha kiate au ko e kau 'iote ko e kai lusipi atu. Kou talaange ko e 'uhinga kai lusipi 'a e kau 'iote he 'oku 'ikai ke toe 'i ai ha seniti ia ke kumi 'aki ha'anau me'akai. 'Oku nau tete holo pe he 'oseni 'o fetuku holo faito'o-kona-tapu mo ta'engaue. Kuo u tui pe ko e fakataha ko'eni pea kuo vaveni mai hano langa 'o Vava'u mo Tonga ke manakoa 'e he kau folau'eve'eva.....SAIA