FANONGONONGO
‘Ofisi e Va’a Feliuliuaki ‘o e ‘Ea, Potungāue MEIDECC
Fanongonongo 'a Hono Faka'ata e Tohi Kole ki he Sino'i Pa'anga 'a Tonga ki he Feliuliuaki 'o e 'Ea
Na’e tali foki he Komiti Pule ki he Sino’i Pa’anga ‘a Tonga ki he Feliuliu’aki ‘o e ‘ea ‘a e ngaahi Kautaha ‘e 92 ke fakahū mai ‘a ho’omou tohi kole ki he Sino’i Pa’anga ‘a Tonga ki he Feliuliuaki ‘o e ‘ea.
Ko e fanongonongo ni ki he ngaahi Kautaha ni, ke fakahu mai homou tohi kole ki he ngaahi ‘elia ‘e 7 ko ‘eni ‘o kau ki ai ‘a e: Ngoue, Ngoue Tuifio mo e Vao ‘Akau, Takimamata, Toutai, Ma’u’anga Ivi, Fakalakalaka ‘o e Taukei Ngaue mo e Tolonga ‘o e Pa’anga Feliuliuaki ‘o e ‘Ea. ‘Oku fakataumu’a ‘a e ngaahi tokoni ko ‘eni ke fakamalohia ‘a e tu’unga matuúaki ‘a e Komiuniti, malu’i ‘a e ngaahi ma’u’anga mo’ui, pea mo fakalakalaka ‘a e ngaahi mahu’inga ‘uluaki fakafonua ‘a Tonga ki he feliuliuaki ‘o e ‘ea.
Ko e ngaahi tohi kole tokoni kotoa pe, kuo pau ke fakahaa’i mahino mai ‘a e ola lelei ‘e ma’u ‘e he ngaahi Komiuniti, kau katoa ngaahi kupu fekau’aki, tu’uloa, pea mo e fekau’aki mo e ngaahi palani ngaue ‘a Tonga ki he fakasi’isi’i mo fakalelei ki he feliuliuaki ó e ‘ea.
- Ko e ngaahi tohi kole tokoni kuo pau ke fakahū mai ia ‘o ‘oua toe tōmui ange ‘i he 5:00 efiafi Falaite 17 ‘o Siulai 2026.
- Ko e ngaahi tohi kole kotoa pe kuopau ke nau ngaue’aki ‘a e Foomu Tohi Kole Poloseki ‘a e Sino’i Pa’anga ‘a Tonga ki he Feliuliuaki ‘o e ‘Ea (Tepile 8, Tu’utu’uni 2024) pea ke nau fakakakato ‘a e ngaahi fiema’u ki he taau mo e tauhi ‘i he malumalu ‘o e Lao ‘a Tonga ki he Sino’i Pa’anga ‘a Tonga ki he Feliuliuaki ‘o e ‘Ea 2021 mo e Tu’utu’uni 2024.
- ‘E lava ke fakahu mai ‘a e ngaahi tohi kole ‘i he lea faka-Pilitania pe faka-Tonga.
- ‘E ‘ikai ke tali ‘a e ngaahi kole tokoni ‘e fakahu tomui mai.
Kataki ‘o fakatokanga’i ange ko e ngaahi kautaha na’e ‘osi tali ‘enau tohi kole ki he Sino’i Pa’anga ‘a Tonga ki he Feliuliu’aki ‘o e ‘Ea ‘i he ui ‘uluaki, ‘e ‘ikai ke toe
ngofua ke fakahū mai ha’o tohi kole ‘i he takai ko ‘eni.
Ko e ngaahi fakahinohino kakato mo e ngaahi makatu’unga ki he kole tokoni ‘e ma’u ia mei he uepisaiti ‘o e Va’a Feliuliuaki ‘o e ‘Ea https://climatechange.gov.to pe ko ho’o fetu’utaki ‘īmeili pe telefoni ki he: tongaclimatechangefund [at] gmail [dot] com
Telephone: 26514
‘E lava ke fakahu mai ‘a e ngaahi tohi kole:
- ‘Imeili: tongaclimatechangefund [at] gmail [dot] com
- pe ko ho’o a’u tonu pē ki he ‘Ofisi e Va’a Feliuliuaki ‘o e ‘Ea, Potungā
--
