World Bank scales up its activities in the Pacific

'Oku ou tui ko e talanoa ko'eni 'a Axel, 'oku ha mahino ai kuo 'osi 'ilo'i 'ehe pangike ia 'a mamani 'a e tefito'i palopalema 'oku 'i ai 'a Tonga, pea mo e ngaahi me'a 'oku fiema'u 'e lava ai ke tokoni'i 'ehe pangike 'a mamani 'a e pule'anga Tonga. 'Oku ne lave heni ki he ngaahi ngaue ma'ae to'utupu, fakasi'isi'i fiekaia, totongi mo'ua ngaahi fonua masiva etc. 'Oku ne lave foki heni ki he ngaahi palopalema 'oku 'i ai 'a Tonga. 'A e tu'utu'u kehe koia 'a Tonga 'i he siokalafi, ngaahi fakatu'utamaki faka-e-natula, kau ai mo e si'isi'i (quantity) 'oha fa'ahinga koloa 'e ma'u mei Tonga etc. Ko e ngaahi 'uhinga ia 'oku 'ikai manakoa ai 'a Tonga ki he kau pisinisi ke fokotu'u pisinisi 'i Tonga. Ko e tefito'i 'company' lahi taha pe 'i Tonga ki he ngaue, ko e ngaue ma'ae pule'anga, ka 'ikai pe pea te heke atu ki he ngaahi siasi, pea ka hala ia peate nofonofo aipe 'i 'api ta'e ngaue. 'Oku 'i ai 'a e lave heni 'a Axel ki he 'tourism' pea mo e ICT'. Mahalo koha ongo pisinisi 'eni 'e fe'unga lelei mo Tonga ke tokoni ki he 'ekonomika. 'Oku mahino pe 'tourism' ia ka ko e ICT, hange kiate au 'oku 'uhinga ia ki he 'Information and communications Technology' hange ko e kautaha 'i Tonga na'e ui koe Tongaseti or 'Tongasat'?. Hangehange ko e ongo tafa'aki 'eni 'e lava ke tokoni'i 'ehe pangike 'a mamani ke ne hiki'i hake 'a e 'ekonomika 'o e fonua. Te u tanaki atu pe mo 'eni ke fakasi'isi'i 'a e fiekaia 'i Tonga. 'E lava nai 'e he pangike 'a mamani 'o tokoni'i fakapa'anga 'a e ngaahi famili kotoape ke takitaha ngoue'i hono ki'i konga kelekele ke fafanga'aki famili?. Mahalo pe ..... SAIA