You are here

Letters

Ki he kau helo 'o e 'Ikale Tahi

Kenipela, 'Aositelelia

'Etita,

Tulou! Kae fai atu ha ki'i fakamalo ki he kau Helo 'o e 'Ikale Tahi, 'i he va'inga tu'u kimu'a ne mou fakahoko 'i he pooni. 'Oku 'ikai ke kei malava 'o fakama'uma'u 'a e loto fiefia mo e poupou lahi ki ho'o mou va'inga tu'u kimu'a ne mou fakahoko 'i he pooni. Neongo ha me'a ke fefe ka ko e ulungia faka polofesinale na'a mou fai. Mo'oni e lau 'a e kau fakamatala ko e taha eni ha tau 'e laui ta'u hano talanoa'i. 'Oku faka'amu 'a hoku loto ke u fakaha atu 'i he ki'i tohi ni 'a 'eku Fiefia ta'ehano tatau 'i ho'o mou tau.

'Ofa ke kei nofo aipe 'a e fo'i discipline ne mou fai 'i he pooni ki he 'osi 'o e World Cup 2007. Fakatauange ke kei fai tapuekina kimoutolu 'ehe 'eiki 'o 'oatu ha toe ivi 'oku lahi ange ki he feinga tau faka'osi.

Tu'a 'Ofa Atu

Falamani Mafi

falamani [at] hotmail [dot] com