'Etita,
Kau va'inga, faiako, palesiteni, pule, kae 'uma'a 'a e kau muimui folau mei Tonga 'eiki. Malo e ngaue lahi totoivi 'i ha ki'i vaha'a taimi nounou ne mou ma'u 'o teuteu'i ai 'a e fanau ki he fu'u fe'auhi faka vaha'a pule'anga ko eni. 'Oku mea'i e hou'eiki pea lave'i 'e he Tonga kotoa 'a e ola 'o e ongo 'uluaki tau 'a e 'Ikale Tahi.
Ko e me'a 'oku fu'u faka fiefia lahi taha 'i he ki'i taimi nounou koeni 'oku 'i heni ai e 'Ikale Tahi, ko honau 'ulungaanga 'i tu'a mei mala'e 'akapulu. 'Oku pehe 'e he kau fai ongoongo TV mo e niusipepa' ko e timi 'a Tonga 'oku 'ofa'i taha pea toe manakoa taha 'i he fonua ni kae tautefito ki he kolo mo e vahenga 'oku nau nofo mo teuteu ai. 'Oku tupu eni meihe 'enau anga faka to ki lalo, pea poto he anga 'o faka'apa'apa'i mo toka'i e kakai 'o e fonua pea mo honau 'ulungaanga faka fonua.
Malo e hiki fonua 'o 'ikai ngata pe 'i mala'eva'inga kae toe hulu atu 'i tu'a foki. Ko e me'a faka loto mafana 'a 'ete fango ki he hingoa ho tau ki'i motu hono talanoa'i 'o 'ikai ngata pe 'i he TV mo e pepa ka ki he kakai foki 'o e fonua ni. Malie e va'inga pea 'oku 'ikai ngata pe 'i ho'o mou ikuna 'i 'Amelika mo Samoa ka kuo mou toe kualifai foki ki he fe'auhi 'o e 2011 'i Nu'usila, "Brava et Mercil"
Tu'a 'ofa atu
S. Tu'uta
c [dot] durix [at] wanadoo [dot] fr
