Toko valu ‘i he 10 fefine Tonga, fakamamahi’i
Monday, August 24, 2015 - 21:25
‘I he uike kuo ’osii na’e toutou haa mai ‘i he TV Tonga ‘a e ngaahi fakamatala ‘a e kakai ‘i he ngaahi mala’e kehekehe ‘a e tu’uaki ‘o pehee ‘oku toko 8 ‘i he toko 10 ‘o e kakai fefine Tonga na’e fakamamahi’i (domestic violence). ‘I he taimi tatau, ke tau tokanga na’a ‘oku ‘i ai ha ‘asenita ‘aha pule’anga pe ma’u mafai muli pe ha taha ‘i Tonga ni pe fakatou’osi, ‘o me’angaue’aki ‘a e isiu ni, ‘aki hano mimio’i (spin) ‘a hono fakamatala’ii, pea tau hamumu ai, kae huu mai ‘a Setane (he ko e tamai ia ‘o e loii) ‘o maumau’i ‘etau ngaahi feinga kotoa.
Please subscribe to access premium content.
- Read more about Toko valu ‘i he 10 fefine Tonga, fakamamahi’i
- Log in or register to post comments
Comments
Koe taha 'eni 'oe fakamatala
Ko e taha 'eni 'o e fakamatala mahu'inga 'aupito ke tau tokanga kiai he 'oku ne uesia lahi 'aupito 'a e ongoongo lelei 'o e pule'anga Tonga ki mamani lahi. Koha fa'ahinga fakamatala pango peheni kuo pau ke matu'aki tokanga 'aupito 'a e TV Tonga ki hono tukuange 'i he 'ea he 'oku sio mo fanongo 'a mamani pe ko e fonua fefee 'a Tonga. Kuo pau ke 'i ai ha ngaahi fakamo'oni ke fakamo'oni'i 'aki ha ngaahi fakamatala pango peheni 'oku ne hanga 'o fakaongoongokovi'i ha fonua. Ko e fakamo'oni lelei taha 'oku ngaue'aki 'i 'Amelika ni ki ha ngaahi fakamatala pango peheni, ko e ngaahi launga mo e lekooti 'a e kau polisi. He 'ikai ke lava ke tau tu'u hake pe 'o fai ha fa'ahinga fakamatala vale peheni ke ongoongo kovi ai ha taha moha fonua ta'e 'i ai hano makatu'unga pe ko hano fakamo'oni'i. Kuo 'osi 'i ai 'a e lao 'o Tonga ka 'abuse ' ha fefine 'eha taha pea launga ki he kau polisi pea lava leva ke tau ma'u 'a e totonu mo e mo'oni 'o e ngaahi ongoongo fakamamahi peheni. He 'ikai lava ke tu'u hake pe TV Tonga 'o tukuange ha fakamatala lelei pe kovi ta'e tomu'a fakapapau'i 'a hono mo'oni. 'Oku hange 'a e lipooti ia ko'eni ko e talanoa faka-faikava-tonga. Ko e 'ai hake pe 'eha tama ha'ane fu'u fo'i loi, pea vavaa aipe kau faikava Tonga 'o 'ai aipe hange ha fo'i mo'oni. He 'ikai lava ke tau faka'eke'eke holo pe he ngaahi 'api mo e hala pule'anga ha me'a pea tau 'ave ki he TV ke fakamafola koha fo'i mo'oni ke ngali kovi ai ha taha moha pule'anga ta'e 'i ai hano fakamo'oni. 'Oku lolotonga ngalikovi 'a 'Amelika ni ki mamani lahi 'i ha fo'i ongoongo fakalilifu mo palaku mo'oni. Ko e hanga 'e he kautaha 'Planned Parenthood' 'o to'o 'a e fanga ki'i pepee 'o fakatau kongakonga atu. 'Oku lolotonga feinga 'a e falealea ke to'o 'a e pa'anga 'e laui miliona 'oku tokoni'i 'aki 'e he pule'anga 'a e kautaha ni. Neongo 'a e ongoongokovi 'a e fonua ni, ka ko e me'a ia 'oku ui ko e ongoongo mo'oni. Fakalilifu, ko e me'ofa fungani 'a e 'Otua ki he 'univeesi pea mo mamani ko e tangata, kuo hoko 'a e fanga pepee ia ko e fili lahi taha ia 'o e ngaahi fa'e ko'eni..........SAIA