'Etita,
Kataki pe mu'a ka e hao atu 'eku lave faka'osi pe 'eni ki he tohi 'a Posoa Finau 'oku pehe, "Tuku 'a e fakamole space mo e kai pinati fakaveve." 'Oku ha 'i he Talanga 'i he lea faka-Tonga.
Ko e hili pe 'eku tali atu ko 'eni Posoa pea he 'ikai leva 'e to e mole ha'aku taimi ke to e tali atu ha'o fo'i maumau taimi.
Talu mei ho'o fuofua tohi 'o a'u mai ki ho'o tohi fakamuimui mo ho'o accuse au ki he hia ko e "fakamole space." Na'a ku 'osi tohi atu he electronic mail ke ta talanga ai ka ke talamai 'e koe ke ". . . ta fetaulaki hake pe ki he Matangi Tonga 'o alea ai he ko e lahi ange ho'o lea ko e lahi ange ia hono 'ilo 'ehe kakai 'a e 'ikai ke ke 'ilo ha me'a." Tala ai pe e fakamole space kae 'ikai ke fie fakangata pe kia taua pe 'i he email. He 'ikai ke u to e loto ke fakamoleki hoku taimi ke tipeiti mo ha taha 'oku ne define 'a e fo'i lea faka-Polata'ane ko e "hypocrite."
'Oku ke talamai ko e me'a 'oku ou talanoa ki ai ko e ngaahi fo'i me'a motu'a kuo tau 'osi 'ilo kotoa." 'Oku hala 'ataa ha'aku tokanga 'e taha (I don't give a dime) pe ko ha me'a motu'a pe 'ikai. Ko e me'a pe 'oku ou feinga atu ki ai ke fai ha ngaue ki he fo'i me'a motu'a ko ia 'oku hoko he komiti 'akapulu 'a Tonga, kae lava ke ma'u ha fo'i ola fo'ou te tau polepole ai. Koe taimi pe 'e mavahe ai 'a e komiti mei politiki mo e kai pa'anga, te tau 'asi lelei leva ki he IRB pea 'e lava 'aanoa pe ke vahe lelei 'a e fanau he fu'u pa'anga lahi 'a e komiti 'akapulu.
Fakatatau ki ho'o lau, "Ko e tau tesi fakamuimui pe na'e va'inga ai 'a Tonga mo e All Blacks 'i Fisi 'I he Pacific IRB Cup pea ne ongo 'a e ulungia ka na'e malie va'inga 'etau fanau," tau pehe leva kapau na'e pehe pe 'enau va'inga fakaalaala na'a lavea ha taha he 'oku 'ikai fe'unga honau 'inisiua huanoa ai kapau na'e fe'unga 'enau ki'i seniti na'e ma'u.
'E lava nai 'e he kau memipa 'o e poate akapulu 'a Tonga (TRFU) 'o nguae ta'evahe ha laui mahina kae 'oange 'a honau 'inasi ma'ae kau va'inga?
Ko hono install ko 'eni 'o e kau memipa 'o e poate 'akapulu mo e faiako fo'ou ko e fua (product) ia 'o e politiki. Ko 'ete mamata atu ki he kau tangata na'a nau fai hono talitali 'o David Campese ko e fu'u kau paipa he politiki.
Tokanga'i na'a 'ohovale pe kuo li ki tu'a 'ehe faiako 'a e 'Ikale Tahi ('o faktatau ki ho'o lau) 'a Sione Petelo ko 'ene memipa he poate pea to e manager he timi. Kapau leva 'oku te tuli ha kau politiki 'e ni'ihi kate siokehe mei he ni'ihi, teu 'oatu leva 'a e fo'i lea fo'ou 'e tuha mo e faiako ko e hipo-kuli-iti-poli-tiki (politic+hypocrisy).
Teuteu a ko e Soa ke ke fetongi 'a Nili mo Hale he world cup 2011. He 'oku 'asili ho'o va'inga lelei, faka'ulia ho'o to e lava e ta'evahe fuoloa, ka ko e me'a tee puu ho'o feluteni mo e komiti 'akapulu lolotonga.
Leveleva e malanga kau tatau atu,
'Aisea Tu'akihekolo Tu'ikolovatu
(Uho 'o Moli mo He'a)
Kailua-Kona-Hawaii, USA
