Tau langa ha 'imisi fo'ou 'o e Polisi Tonga [1]
Monday, January 12, 2009 - 20:48. Updated on Tuesday, January 13, 2015 - 20:45.
'Etita,
'Oku ou fiefia 'i he ngaue koia 'oku lolotonga fakahoko ke 'ilo'i 'a e tu'unga (strength & weaknesses) 'o e faitongia 'a e Potungaue Polisi Tonga, ka 'oku ou kole atu ke toe tanaki atu ha kakai 'oku lahi 'enau 'ilo ki he ngaahi matavaivai 'o e faifatongia 'a e kau polisi. Kapau he 'ikai ke tau alasi'a e ngaahi tefito'i
vaivai'anga, talanoa'i mo kumia ha faito'o ki he palopolema, 'a ia 'e kau ai 'a hono kamata 'aka kitu'a 'a e ni'ihi 'oku taupe noa'ia'i he loto potungaue . . . he 'ikai kei pa'anga 'aki hono fulifulihi e potungaue mo hono kau taki.
'Oku fiema'u ke fakamaatoato 'a e ngaue 'oku fai pea ke fulihi 'a e mentality faka-polisi 'oku lolotonga lele ai 'a e tokolahi 'o e kau polisi, kae toki lava ke
mafuli mo e falala 'a e kakai 'o e fonua, pea ko e tepu ke tau ma'u ha Police Force 'oku falala'anga mo mateaki'i fatongia - ma'ae kakai 'o e fonua.
'Oku ou fokotu'u atu ke fakakau mai ha 'ofisa mei he Va'a Launga 'a e Pule'anga mo e ngaahi tafa'aki pehee, 'a ia kuo nau fai ha ngaahi ngaue 'o fekau'aki mo hono launga'i 'o e faifatongia 'a e kau polisi . . . 'omai 'enau taukei, he 'oku ou tui 'e tokoni lahi ke faito'o 'a e tu'unga fakangaue mo hono langa ha 'imisi fo'ou mo falala'anga ma'a e Polisi Tonga 'i hono va mo e kakai 'o e fonua.
Uikilifi Taufa