'Oua e lau kafo, lau lava [1]
Saturday, September 29, 2007 - 11:17. Updated on Friday, June 13, 2014 - 19:40.
'Etita,
'Oku ou fie 'oatu ha fakamalo lahi ki he'etau timi 'Ikale Tahi 'i he tau ne nau fakahoko 'i he pongipongi ni. Malo mu'a fanau si'i va'inga malohi. 'Oua temou loto fo'i he ulungia ne hoko, ko e me'a kotoa pe 'oku hoko kuopau ke tau ako mei ai 'o teuteu ke toe lahi ange ki he ngaahi tau ki he kaha'u. 'Oku mahino pe tu'unga 'o e timi 'a England pea kuo mou fakaha'i ki mamani kotoa, neongo 'e tau lele mai mei he ki'i fonua si'isi'i ko Tonga, ka 'oku kei malava pe ke tau ikuna'i kinautolu 'i he kaha'u.
'Ofa ke mou taki taha foki atu ki he ngaahi fonua taki taha 'oku mou lele mei ai 'o fakahoko homou ngaahi fatongia kehekehe 'aki 'a e loto fiefia, he kuo lava e ngaue lahi mo fakafiefia. Mo'oni e lau 'oua tetau lau kafo ka tau lau lava he kuo tau sio kitautolu ki he tu'unga ma'olunga kuo a'usia he'e timi 'Ikale Tahi.
Malo e fakahoko fatongia fakafiefia fanau.
Tu'a 'Ofa Atu
Falamani Mafi