'Etita,

'OKU ou fiefia noa atu 'i he ngaue lelei koia na'e fakahoko 'e he kulupu Poletaki, 'o nau foaki 'a e me'a'ofa ki he Senita Alonga 'i Pea.

Malo mu'a e si'i vaevaemanava ki he senitaa ni. Fakafiefia 'etau lave'i 'oku kei 'i ai pe 'a e kau Faifekau 'oku nau toe laka atu 'aki ha ki'i maile si'i mei he'enau ngaue fakamafolalotu 'o tokoni fakatu'asino ki he masiva 'o hange koia ne fai 'e Faifekau Fungalei.

Kapau 'e pehe pe mo e kau taki kotoa ke tau ako mei he ta sipinga koia 'a Puniani Vaitohi mo e ni'ihi koia ne nau tokoni ki hono leva'i mo taki lelei 'a e kulupu ni, neongo ko e o ke si'i feinga ki honau ngaahi famili, ka 'oku fakato lo'imata 'a e toe vavae mai e kihi'i me'a 'oku ma'u ke kau atu mo ha ni'ihi 'oku vivili ange 'enau fiema'u hange koia 'i he Alonga.

Peheange mai ke tau ako kotoa mei he founga 'a e faifekau mo e kau taki 'o e kulupu ni, pea fakamalo lahi ki he mo'ui talangofua 'a e si'i kau ngaue 'i he kulupu ni.

'Ofa atu

Fuai'api Sime

Faletonga [at] aol [dot] com ( Faletonga [at] aol [dot] com)