Lotu'I 'a e 'Ikale Tahi ke tau ma'u ha ola lelei [1]
Wednesday, August 24, 2011 - 17:24. Updated on Monday, September 9, 2013 - 18:40.
'Etita,
TOMU'A tuku 'a e fakamalo ki he Tu'i 'o e Langi 'I he 'ene foaki mo'ui 'o tau 'inasi ai. Fakamolemole kae 'ai pe mu'a 'a 'eku ongo'i 'I he tu'unga lolotongani. 'Oku fakaloloma 'a e ongana 'o e ongoongoni, pea 'oku hoko 'eni 'I he taimi hala. Fakamolemole pe Tonga, faka'amu noa pe ke 'oua na'a toe 'I ai Ha Lau mai 'a e Komiti 'Akapulu 'a Mamani kene va'etu'ua 'a 'etau kau. 'Oku 'I kai ke fepoupouaki 'a e ngaahi sino fengaue'aki.
'Oku 'I ai 'a e 'uhinga na'e to'o ai 'e he pule'anga 'a hono fakalele 'o e 'akapulu. Na'e mahino ki he matu'a poate 'o e 'aho 'a e malohi 'a e tu'utu'uni 'a e Poate 'Akapulu 'a Mamani, pea tukuange ke fakahoko na'a kau kovi ki he'etau teuteu ki he World Cup. Na'e lahi 'a e ta'efiemalie pea mo e ta'efemahino'aki, ka kuo ala mai 'a e Pule'anga, 'o mahino ko e poupou fefeka taha eni, ke ne fakapapaui'i 'a 'etau Kau.
'Oku lave'i 'e he motu'ani na'e 'ikai tuku 'a e kauhala kehekehe ia, ka 'oku mahino na'e fai 'a e ngaue lahi ke tokoni'i 'a e 'Ikaletahi. Tu'unga 'I he 'ikai fakafiemalie 'a e taimi, na'a tau kole 'a e poupou kotoa 'oku fiema'u. Ko e faka'amu ke tuku 'a 'etau fiema'u taautaha kae 'oange kotoa 'a 'etau poupou kiate kinautolu 'oku nau fakahoko 'a e ngaue. Na'e 'ikai pe ke tukulolo 'a e fa'ahinga pea kuo toe kau mai 'a e Falealea ia he tuputamaki.Kapau koe ta'emahino pe 'a e faiako pea moe palangi 'I ha faitu'utu'uni, koe me'a pe ia ke talanoa'i. Koe lelei mo e kovi, 'e a'u ki he tu'unga te tau fuatautau leva pea 'e malava leva ke tala 'oku fiema'u 'a 'ene kau koe'uhi koe fonua. Neongo 'a 'ene 'ulungaanga ta'etaau 'oku sai pe ia ke kau. Ko e va'inga fakatimi 'eni pea fiema'u 'a e fepoupouaki.
'Oku toe pe ha uike 'e ua pe tolu nai, pea 'oku mau kole fakataha atu pea moho tau fakamou'i, ke tuku a 'a e fakaanga ka tau poupou mu'a pea tau lotu'i 'a e fonua pea mo e 'Ikale Tahi ke nau fakahoko ha va'inga malie pea ke fiefia ai 'a mamani kae pehe ki Tonga. 'Oku 'ikai tapu'i ketau malohi 'I he All Blacks, ka ke tau loto ki ai pea tui ki ai. Tau takitaha tu'u 'i hono tu'unga pea mo poupou malohi 'aki 'a e Loto kotoa ka tau ma'u ha ola lelei pea mo fakafiefia foki.
Fakatauange ke kei tokonia aipe kitautolu 'e he 'Otua Mafimafi.
Malo 'aupito
Sione Petelo
saione_pita [at] yahoo [dot] com ( saione_pita [at] yahoo [dot] com)