'Etita,

NEONGO 'a e ngaahi fetuukuaki mo e ngaahi faikehekehe fekau'aki mo e timi 'akapulu faka-fonua, 'Ikale Tahi ki he teu fetaulaki mo e All Black 'a Nu'usila 'oku tu'u fefeka 'aupito 'a e kau ngaue mo e fanau ako Tonga'i 'Beijing ke poupou malohi ki he timi 'Ikale Tahi. 'Oku taki ia 'e 'Eiki Salote Maumautaimi Tuku'aho fakataha mo e Tangata'eiki 'Amipasitoa ki Siaina Siamelie Latu kenau kau fakataha mo Tonga 'i he tui 'o e lanu kulokula 'i he Falaite 2 Sepitema 2011 ke fakahaa 'enau poupou malohi ki he timi Ikale Tahi kae 'uma'a 'ae timi 'akapulu 'a e Tau Malu'i 'a Tonga 'oku nau 'amanaki ke fakahoko ha ngaahi va'inga malie lolotonga 'a e fe'auhi fakamamani lahi 'a e ngaahi Tau Malu'i 'a e ngaahi fonua 'Iulope, Pasifiki mo 'Afilika.

Pehee 'e he Tangata'eiki 'Amipasitoa, Siamelie Latu 'oku 'ikai ko ha taimi eni ke kei fai 'a e fakaanga mo e talanoa tukuhifo ki he timi, ka tau tu'u kotoa ki 'olunga 'o fiefia mo poupou ki he 'etau fanau 'oku 'amanaki ke nau fakahoko ha va'inga fakaholo mamata 'i N'u'usila.

Kole ke a'u atu 'a e 'ofa meia 'Eiki Salote Maumautaimi Tuku'aho, kau ngaue 'a e 'ofisi Faka-'Amipasitoa, pea pehee ki he toenga 'o e fanauako Tonga mo e talamonu ki he faiako mo e fanau va'inga pea pehee foki ki he taki folau mo e timi 'a e TDS. Fakatauange ke mou ma'u ha va'inga lelei mo fiefia he ngaahi 'aho si'i ka hoko mai.

'Ofisi Talafekau 'a Tonga 'i Beijing

siamelie [at] yahoo [dot] com