'Etita,

Faka'of'ofa 'aupito 'a e me'a 'oku lau ki ai 'a Siua Lafitani fekau'aki mo e founga fakatikitato 'oku fai'aki 'e teu liliu ko 'eni.

Ka 'oku ou ki'i fakamamafa ki hotau kakai 'oku nau nofo 'i hotau fonua ke nau ki'i tu'u 'o vakai ki he fua 'o e ngaue ne fai 'ehe kau feinga liliu ko 'eni.

Pehe ni 'e ngali ma'u ha'o fo'i ma, pata mo e hu'akau 'i he pouaki 'o e liliu 'oku tau hanganaki atu ki ai ? Ko e tali ki ai 'Ikai. Kei kai houa tolu pe 'a e kau paipa ia 'oku nau fai 'a e feinga liliu ta'epalani kae kei kai hamu pe 'a Mele, Pita, Sione ia mo Semisi. Pea me'a 'ihe 'enau fu'u fiekaia kuo nau tafoki hake 'o inu 'i he ngaahi fo'i vai kuo vilohi 'e he kau kafi ta'etaukei ko'eni ko Lotokovi,Ta'epoto, Siokita mo Kumi Ongoongo.

Ko hono mo'oni 'Etita pehe ki he kau memipa 'i he paenga ni ka fuatautau atu 'a e kakai ne nau muimui 'i he kau feinga liliu ko 'eni 'oku fonu ai 'a e kakai ne brainwash 'e he kau fakafofonga 'o nau pehe ko e fai pe 'a e liliu e ngalingali 'e to mai ha fu'u kapa ngako ke nau mo'ui ai. 'Ikai, tau foki pe tautolu kihe lau 'a e himi, Tama Tonga tu'u 'o ngaue . . .

Ne u 'i Tonga 'i he taimi hono fahi mo tutu 'a Tonga mo 'ete sio ai ki he faka'ofa mo e fakatupu 'ita 'a e ma'uhala 'a e kakai mo e fiefia 'a e kau fakafofonga hono tutu 'a Nuku'alofa ke fakahoko 'enau lea fakamanamana ne fakahoko, pea 'i he taimi ne nau to ai ki he faingata'a 'oku nonga pe kau fakafofonga ia 'oku 'ikai ke nau care nautolu ki he nunu'a.

Ne nau fiema'u pe 'ekinautolu ia ke fai honau loto fakafo'ituitui mo e siokita kuo lahi. Ki he taki 'o e kau fakafofonga kuo ta'u lahi ho'o nofo 'i he Fale Alea mo e fu'u loto 'oku kovi pea he 'ikai pe teke a'u koe ki ha tu'unga palemia 'i he fonua, ho'o ngaahi fokotu'utu'u ta'epoto 'otau ma kotoa ho'o me'a 'oku fai.

'Ofa mai a Tonga kotoa 'o fakakaukau lelei.

Tu'a 'ofa 'eiki atu.

Lou 'Uhila