'Etita,



Ne u toki foki mai mei Tonga na he ngaahi 'aho si'i kuo hili ange hili ia ha'ate kau atu ki he Konifelenisi e taha 'o e ngaahi siasi 'a ia na 'e fai ki Ha'apai.

'I Nuku'alofa 'oku lahi hono veve'aki e ngaahi me'alele maumau mo popo e ngaahi 'api mo e ngaahi ve'e hala. Ko e matamata kovi mo e palaku atu 'enau 'asi. Ko e ta'u eni e fiha e 'asi mai e fakama'a 'atakai ka 'i he sio 'a e motu'a ni 'oku 'ikai fu'u 'asi mai ha fakalaka fefe! Ko e fakamaketi 'oku lelei ki he kau buyers ka ko 'ene movete pehe holo he loto kolo o Nuku'alofa 'oku 'ikai ha matamata lelei! 'Oku totonu ke nau omi ki Maketi o fakatau atu ai enau koloa.

Ko Pangai Ha'apai 'oku ma'a ange ia i Nuku'alofa ka 'oku na kei vahevahe pe fo'i me'a tatau he tafa'aki e taha. 'Oku mama tapaka e tokotaha kotoa pe ia he falekalapu pe faikava 'ikai tokanga atu ia ki ha totonu 'a ha taha 'oku 'ikai te ne mama tapaka. Pehe 'e he tokotaha ne 'osi paasi e lao ke 'oua to e ifi e kakai i loto ha fale ka 'oku 'ikai toka'i ia 'e he kakai Tonga. 'Oku fefe leva ai 'a e te u liliu pule'anga 'oku teu atu ki ai hotau fonua kapau 'oku 'ikai te nau pehe atu 'enautolu ko e ha e lao.

'Oku kei hokohoko atu ai pe 'auha e kakai Tonga he masiva 'ilo! Ko e kau faifekau tokolahi mo e kakai lotu 'oku nau fai e me'a ko eni.

'Oku to e filingaua 'e ku folau ki Tonga ki ha toe me'a neongo 'e ku 'ofa hoku fonua tupu'anga. 'Oku ou tui 'oku 'ikai ko au pe 'oku ou fakakaukau pehe, 'oku ou fakafofonga'i e tokolahi 'o e kakai 'a'ahi atu ki Tonga 'oku na u sio ki he palopalema ni. Ko hono nunu'a 'e ma'u pe 'e he kakai Tonga.



Tu'a Ofa Atu



Siosaia Kolomaka Mila

skmendevor [at] hotmail [dot] com