'Etita,

Kole mu'a ke kau atu e ki'i hoha'a ni he talanga 'oku fai. 'Oku kei fai e longoa'a he lipooti ne fa'u 'e he papalangi 'oku pehe na'a ne ngaue tau'ataina ki he'ene lipooti ki hono ta mo fakamamahi'i e ni'ihi ne tauhi popula. Ko e me'a eni 'oku ou tokanga ki ai, ko e ngaahi 'ata ne ngaue'aki 'e he tangata ni ko e 'ata 'a e nusipepa Kele'a.

Fehu'i: Ne 'i ai ha kaunga 'a e Temo ki he lipooti koeni?

Ko e ngaahi lea ne ngaue'aki 'e he palangi ko'eni ko e ngaahi lea mamafa 'o 'ata atu ia ki mamani 'oku hange 'a Tonga ni ko Iraq mo Afganistani pe ko

Cuba. Ngali 'oku mo'oni 'a Lt. Col. Tongapo'uli ko e feinga 'a e kau Temo ke afe'i etokanga mei he me'a mo e pango ne nau fai. Ko e me'a 'oku ou ninimo ai, pe koe fe 'a e totonu 'a e tangata 'oku lau. Kohai 'oku kau he tangata ko 'eni? Ko e ha 'oku nau 'ohofi ai e ta 'o e kau faihia ka e

'ikai fai ha tokanga ia ki he si'i kakai ne vela mo 'auha 'enau pisinisi, si'i kakai fefine he Shoreline ne fai e tolo mo tutu 'oku nau kei 'i loto?. Fefe

kau ngaue 'a Molisi mo e ngaahi falekoloa 'Initia pea mo e kau Siaina, kau ngaue 'a e 'ofisi 'oe Palemia mo e fale Pa'anga. Me'a ni 'oku 'ikai ke nau kau

kinautolu ia he fa'ahinga 'oe tangata? Ko e ha, hala nautolu he totonu ko e 'ikai ke nau fai homou loto? Ko e ha nai 'oku fafanga ai 'a 'Ofa Simiki, Tu'i Uata mo Sengi pea mo Nova e kau tuku pilisone ka e li'aki e kakai ne hoko tonu e me'a kianautolu. Fefe e kakai kuo mole 'enau ngaue. 'Ikai ko ho'o mou feinga ke longo e kau tama 'i pilisone na'a nau lea. Sai pe he koe pusi ena kuo toe tuku mai ki he tu'a 'o e kau valee.

Ko ia ai ko e kole fakamaatoato eni ki he kau Temo. Ko e teu Kilisimasi eni, Ko e Tama 'oku tau teu fakamanatua ne 'ikai ha'ane HIA ka na'a ne loto ke

'ave 'etau Hia. 'Oku 'i ai 'etau lea "Ko e lilolilo ka 'e kio" Ka 'e 'ikai ke kei kio ka 'e PAAAAA pea ko e PAAAA 'o fanongo ki ai 'a manani. Mou ngaue

lelei'aki e faingamalie ko 'eni he ko e nima 'ena 'o e lao 'oku ngangaue mamalie atu.

Faka'apa'apa atu,

Pola Loiti

polaloiti [at] yahoo [dot] co [dot] nz