'Etita,

Fakamolemole ka e fakakau atu e ki'i tohi ni na'a 'aonga. Ko e ngaahi fakakaukau pe 'eni 'a e motu'a fakapo'uli hei'ilo na'a 'aonga.

1. Ko kinautolu 'oku 'iloa ko e kau Temo 'oku ngali 'oku mohomoho'ota (half cooked) 'enau ma'u ki he Temokalati 'o hange pe ko hono

ui ta'ekakato mo fakakonga honau hingoa.

2. 'E foki mai e ongo'i malu 'a e ngaahi pisinisi pea vave ha'atau fakaakeake faka'ekonomika 'i hano fakamaau'i pea tautea kinautolu ne nau fai e maumau moe faka'auha he 'aho 16 Novema he kaha'u vave mai ni.

3. Te tau muimui atu he hala 'o Fisi ('o toutou liukava) 'oka hoko e talanoa 'oku sasala 'o pehe 'e fai e tohi tangi ki he Tu'i ke fakamolemole'i kinautolu ne nau fakahoko e faka'auha he 'aho 16 Novema.

4. 'E ma'u 'e he fonua ha nonga mo'oni 'oka loto ma'ulalo e Palemia ke hifo a mei he sea kae fili 'e he Tu'i ha Palemia fakataimi (caretaker PM) 'oku 'ikai 'i ai ha'ane kaunga (independent) ki he me'a ne hoko he 16 Novema kae 'oua leva ke a'u ki he fili Falealea he 2008.

Malo,

Maka

afamaka [at] yahoo [dot] co [dot] nz