'Etita,

Ko e lea malie ‘a Ratu Mara he 'osi e ku ‘o e 87. '’Oku ou mahino'’i e kaveinga ka 'oku ‘ikai teu poupou'i ‘e founga.” 'Oku pehe tofu 'a 'eku mahino'i e kaveinga 'o e 1611 'a Tonga pea moe 512 'a Fisi ka 'oku ‘ikai teu poupou'’i e founga.

Ka ‘oku ‘iai e me'a mahu'inga 'e 2 ke tau tokanga'0i:

Politics is about being in power

 ‘A ia ‘oku mahino ngofua pe kiate kitautolu ke tau sio ki he feinga 'a e kau fakafofonga ke nau hoko ko ha kau minisita. 'Oku toki fakava'’e mai leva ‘eni ia he ‘uhinga ke toe fakatemokalatiange ‘a Tonga, tala e kolapu e pule’anga lolotonga, Shoreline, etc, etc.

...‘I ha tafa’aki ‘e taha, he ‘ikai ‘aupito hala ia ke tau pehe, ‘oku kei fie hoko atu pe e kau minisita lolotonga ‘i honau takitaha lakanga. ‘Oku fakava’e mai leva ‘eni ia he ‘uhinga ke tau talatalanoa lelei mo laka fakaalaala, tau ‘uluaki tokanga ki he law and order mo e ‘ekonomika kae toki hoko atu e Talanoa, etc, etc.

Being a member of parliament is not only about being voted or selected into the House, it is also about good governance and responsible leadership.


Ko e ‘uhinga tefito ‘eni ki he ku hono 4 ‘a Fisi pea mo e clean up campaign ‘a e komotoa. Ko e taha e ngaahi fokotu’utu’u fo’ou ‘a e komotoa ko hono fakaha ‘e ‘ikai kau taha he kapineti fakataimi tene fili ‘i he fili Falealea ‘e fai ‘i hano fakafoki e pule’anga mei he sotia ki he kakai. ‘Oku makatu’unga ‘eni mei he ngaue hala’aki ‘e he pule’anga fakataimi ‘i he 2000 ke nau kemipeini ai leva ki he fili Falealea ‘i ha poloseki ngoue mo e toutai ne laui miliona hono mahu’inga, mo e ngaahi ‘uhinga kehe pe.



'I he’etau hanga atu ki he motolo fakapolitikale fo’ou pea mo e fili Falealea hoko, ‘oku fakalalahi e fakatou kemipeni e kapineti pea mo e kau fakafofonga kae he holo si’i kakai. Ka ‘e vave ange hono ngaue’aki ha motolo fo’ou pea toe ma’uma’uluta, melino mo tu'umalie ange e fonua kapau ‘e ‘ikai kau ha taha ‘i he kau Falealea lolotonga (kau fakafofonga kakai mo nopele pea mo e kapineti) he ‘uluaki fili Falealea he motolo fo’ou ‘oku tau ‘unu atu ki ai. ‘Oku totonu ke ‘oange leva ke nau fili pe tenau fie hoko atu he 2007 pe ko e malolo ki he teu fili hoko. ‘Oku ‘ikai ko e conflict of interest kapau te nau feihaka’i e motolo fo’ou pea nau toe tomu’a 'ilo pe kinautolu?



Ko e kemipeini e ongo tafa'aki 'e toe matolu ange he 2007 pea ko e moveuveu 'e toe lahiange pea 'e kei fetuhu'aki aipe e ongo tafa'aki kae hokohoko atu aipe e faingata'a'ia si'i kakai 'o e fonua.



'Ofa atu



Sailosi Finau,

sailosifinau [at] yahoo [dot] com [dot] au