'Etita,

Ne u pehe 'e au 'oku ninimo pe ta'e mahino e fokotu'u fakakaukau 'a S. Moehau, ko e mahino kiate au 'a e talanoa 'a Moehau 'oku ne tuku mai 'a e mo'oni 'oku takitaha pe 'a e fonua mo honau tukunga. Ko Siaina ko honau fe'unga pe 'o kinautolu e fa'ahinga Pule'anga koia'. Ko 'Amelika 'oku fe'unga pe kinautolu mo honau fa'unga pea pehe pe kihe ngaahi fonua kotoa pe 'o kau ai a Tonga. Ko 'Iulaki ko honau fe'unga pe 'o kinautolu a Sadam, he ko e tu'u he taimi ni kuo lahi ange e mate he taimi ni he mate 'oku tukuaki'i kihe tangata, pea 'oku tupu ia mei he fakaaoao 'a 'Amelika kae hili koia' 'oku fetaa'utu'i e masiva 'i 'Amelika he 'aho kotoa pe.

Ko e mo'ui' 'oku makatu'unga pe ia 'i he tu'u 'a e tangata takitaha 'o ngaue'i hono ngafa pea tauhi hono famili pea tuku pe ki Pule'anga ke nau fai honau fatongia ko e malu'i e kakai mo e ha fua e fatongia fakapule'anga.

Ko e talanoa fakataataa na'e fai 'e S. Moehau 'oku makatu'unga ia 'i he fu'u kakai 'oku mole honau taimi ke ta'utu ta'e ngaue mo kapekape pe he 'aho kakato kae 'ikai 'alu ki 'uta 'o huo ha fu'u saafa pea to ha fu'u lesi ke kai mei ai hono famili. 'Oku mahino mai mei he talanoa 'a Moehau 'oku malava pe 'a e Temokalati mo e Kominiusi 'o ngaue fakataha he 'oku pisinisi pe 'a 'Amelika ki Siaina pea pehe pe mo Tonga. Ko e kau kominiusi 'ena kuo nau fafanga e kakai 'oku ta'utu pe 'i Pangai Si'i 'o inu kavatonga mo kaikaila noa'ia pea kuo mole ai pe honau ivi he maumau taimi.

Ko e toe a'u eni ke toe kina mo e kau fakafofonga he longoa'a 'a e kakai kuo nau toe feinga ke kumi ha founga ke ta'ofi 'aki e kakai na'a nau ako'i ke talangata'a.

Malo e tau kapekape he kuo 'ilo pe 'akau hono fua. "holo pe misi ki he 'ovava" (nofo pe kau maumau taimi 'i Pangai si'i)

Malie Tonga

Siosaia Moimoiangaha