'Etita,

'Oku mau ongo'i mamalu mo fakatulou atu kae fakaa'u atu si'i tengihia mei he vahanoa mei he Taulanga Suva 'a e si'i tu'unga matu'a mo e finematu'a mei he polokalama MBA 'i USP.

'Oku 'oatu heni mo e tengihia pe 'i loto 'ia tekimautolu ni mei he vahamama'o ki he Fale 'o e La'aa kuo unga Fonua, pea pehe ki he La'a hopo 'o e otu Tonga 'a e ongo'i malu'ia ke fakafolau atu 'a e popoaki tu'a ni ki he pulonga kafakafa mo lahi fau kuo popo'uli ai 'a e pule'anga Tonga ka ko homau fonua 'oku mau laukau'aki 'i he nofo he fonua muli.

'Oku 'ikai ha koloa pe ha siliva pe koula te mau lava ke feau 'a e mamahi fu'u 'o e peau ta, ka 'oku mau lotua pe mo hufia ke hifo 'e he tamai mafimafi ha nonga mo ha melino pea kene fakalelu mo fakafaingofua 'a e ngaahi fokotu'utu'u kotoa pe kuo fai ki he po'uli loloo 'oku hifo ki he 'otu Tonga. Ke nofo ma'u 'ene nonga mo 'ene kelesi ta'efakangatangata 'i he fale 'o Tupou pea kene hoko atu hono tauhia mo hono tataki.

'Io 'oku kei Satai pe 'a Satai te'eki ke liliu ia ha taimi. Tau fakafeta'i pe kuo ha'ele 'a 'Ene 'Afio ki he Tamai ki hono 'api ta'engata.

'I he loto 'ofa atu fau,

Kisione Finau,Tevita Ma'u, Poasi Tei Vatulele Tuputupu, 'Eleni Leveni Tevi, Mele Lupe Vunipola