Tuku mu'a ke tau Talanga [1]
Tuesday, August 22, 2006 - 12:14. Updated on Friday, September 26, 2014 - 04:09.
'Etita,
'Oku ou fakamalo lahi atu ki e motu'a mei he fekumi 'a Lo'au, Siosiua Lafitani. 'Oku mo'oni pe 'a e fakamalanga mo e fakahinohino kuo fa'u mai he fu'u tohi hange ha "Tohi Tapu". Ko e totonu foki 'o e fakahinohino ke fai 'i he founga ke 'oua tete toe fihia he founga 'oku fai e feinga ke fakalelei'i. Kuo toe tu'u hake e tangata fekumi 'a Lo'au' ia mo e fakatonutonu pea toe fai pe 'a e fo'i 'ulungaanga kuo ne fakaanga'i'.
Tuku pe mu'a ke fai e "Taalanga" he ko e 'uhinga 'o e fo'i lea ni ke fai ha fepolepolei 'uhinga he 'e mahino pe ki he tokotaha 'oku 'ulungiaa 'a e me'a 'oku mo'oni mo ta'emo'oni. 'Oku 'uhinga hano hukehuke'i ha fa'ahinga me'a ke talanoa'i ko ha fa'ahinga anga (maumau) 'oku ma'ehu ka 'oku 'ikai fakapapau'i pe koeha 'oku pehe ai'.
Kuo tuku ki tu'a mei he Fakamaau'anga e tau'ataina ke taki taha lea pe 'i he'ene totonu pea ma'u 'e he mitia 'a e totonu koia. Ko e sivilaise 'eni na'e vivili ki ai e fu'u tokolahi pea paasi ai e lao ko'eni he ngaahi ta'u kuo hili'. Malo pe 'a e fakahinohino ka 'oku mo'oni e lau "Kukuu te'e'??lo patoo te'emo" 'oku 'uhinga ia ko e tala 'a e namu ha'aha'a 'o e me'atokoni kae tuai pe ke tukuhifo kuo fa'alolo.
Malo e talanoa pea 'oua 'e fiu he talanoa mai he 'oku motu'a pe kava' ke talitali kimoutolu ki he 'Api Ko Siatahi'.
'Ofa atu
Siosaia Moimoiangha
siatahi [at] yahoo [dot] com